پاکستان کی سینئر اداکارہ ثمینہ احمد سمیت چار فنکاروں کو گورنر سندھ عمران اسماعیل کی جانب سے شوبز میں ان کی خدمات کو سراہتے ہوئے’لائف ٹائم اچیومنٹ ایوارڈ‘ سے نوازا گیا ہے۔
باغی ٹی وی : سینئراداکارہ ثمینہ احمد کے شوہر اور سینئر اداکار منظر صہبائی نے فوٹو اینڈ ویڈیو شیئرنگ ایپ انسٹا گرام پر اپنی اہلیہ کی گورنر سندھ عمران اسماعیل سے ایوارڈ وصول کرتے ہوئے تصویر شیئر کی ہے۔
انہوں نے یہ تصویر شیئر کرتے ہوئے لکھا ہے کہ میری پیاری اہلیہ ثمینہ احمد لائف ٹائم اچیومنٹ ایوارڈ وصول کرتے ہوئے۔
انہوں نے ثمینہ احمد کی تعریف کرتے ہوئے لکھا کہ وہ اس سے کہیں زیادہ حقدار ہیں۔
واضح رہے کہ 10 جولائی کو پاکستان ایکٹرز کلیکٹیو ٹرسٹ کی جانب سے سندھ گورنر ہاؤس میں ایک تقریب کا انعقاد کیا گیا تھا اس تقریب میں چار سینئر فنکاروں بیگم ثمینہ احمد، بیگم خورشید شاہد (مرحوم)، قوی خان اور طلعت حسین کو لائف ٹائم اچیومنٹ ایوارڈ سے نوازا گیا۔
اس موقع پر معزز گورنر سندھ عمران اسماعیل نے ایکٹ میرٹ آف آنر سرٹیفکیٹ تقسیم کیے۔