سعودی عرب کے آرمی چیف نے پاکستان کے وزیراعظم عمران خان سے ملاقات کی ہے۔
باغی ٹی وی : وزیراعظم سے ملاقات میں اہم باہمی امور پر تباد ہ خیال کیا گیا۔وزیراعظم نے پاکستان سعودیہ دفاعی تعلقات پر اظہار اطمینان کیا عمران خان کا کہنا تھا کہ پاکستان اور سعودی عرب میں دفاعی تعلقات مزید مضبوط ہوں گے۔
وزیراعظم عمران خان نے یمن کی صورت حال کے حوالے سے سعودی عرب کے کردار کی تعریف کی ’وزیراعظم عمران خان نے سعودی فرمانروا اور ولی عہد کے لیے بھی نیک خواہشات کا اظہار کیا۔‘
سعودی چیف آف جنرل سٹاف کی آرمی چیف سے ملاقات، افغانستان سمیت دیگر امور پر تبادلہ خیال
عمران خان کا کہنا تھا کہ پاکستان کے عوام سعودی قیادت کو احترام کی نگاہ سے دیکھتے ہیں پاکستان سعودی خودمختاری اور علاقائی سالمیت کے لیے حمایت جاری رکھے گا۔
ان کا کہنا تھا کہ پاکستان سعودی عرب کے ساتھ تعلقات اور باہمی تعاون کو بہت اہمیت دیتا ہے سعودی پاکستان سپریم کونسل دونوں ممالک کے دو طرفہ تعلقات اور تمام شعبوں میں تعاون بڑھانے کے لیے اہم کردار ادا کرے گی۔