سیکرٹری ایوی ایشن کی بطور ڈی جی ایوی ایشن مدت میں توسیع

سیکرٹری ایوی ایشن کی بطور ڈی جی ایوی ایشن مدت میں توسیع
باغی ٹی وی کی رپورٹ کے مطابق ڈی جی سول ایوی ایشن تھارٹی حسن ناصر جامی کو بطور ڈی جی 3 ماہ کے لئے توسیع کر دی گئی ہے

اس ضمن میں وفاقی حکومت کی جانب سے نوٹفکیشن بھی جاری کر دیا گیا ہے، نوٹفکیشن کے مطابق ڈی جی سول ایوی ایشن حسن ناصر جامی کی بطور ڈی جی 3 ماہ کی توسیع کر دی گئی ہے

حسن ناصر جامی سیکرٹری سول ایوی ایشن بھی ہیں، ڈی جی سول ایوی ایشن مستقل تعینات نہ ہونے کی وجہ سے حکومت نے انکو بطور ڈی جی سی اے اے 3 مہینے مزید کام کرنے کا کہہ دیا ہے ، نوٹفکیشن مریم کیانی ڈپٹی سیکرٹری تو گورنمنٹ آف پاکستان کی جانب سے جاری کیا گیا ہے

واضح رہے کہ 2017ء سے سول ایوی ایشن اتھارٹی کے مستقل ڈائریکٹر جنرل کا عہدہ خالی ہے۔ایئر مارشل عاصم سلیمان سول ایوی ایشن اتھارٹی کے آخری ڈائریکٹر جنرل تھے۔عاصم سلیمان نے افسران کے احتجاج کے باعث استعفیٰ دے دیا تھا۔اس کے بعد جوبھی وفاقی سیکرٹری ایوی ایشن ڈویژن تعینات ہوا تو ڈی جی کا عہدہ اپنے پاس رکھ لیا۔

سیکرٹری ایوی ایشن ڈویشن حسن ناصر جامی ڈائریکٹر جنرل سول ایوی ایشن اتھارٹی کے قائم مقام ڈی جی کا عہدہ سنبھالے ہوئے ہیں۔اہم ڈائریکٹرز کی آسامیاں خالی ہیں اور ان آسامیوں پرجونیئر اور سینئر افسران‘ ڈبل چارج کے طور پر فرائض انجام دے رہے ہیں۔