شہباز شریف کے بیرون ملک جانے کی درخواست پر سپریم کورٹ نے دیا بڑا حکم

شہباز شریف کے بیرون ملک جانے کی درخواست پر سپریم کورٹ نے دیا بڑا حکم

سپریم کورٹ میں شہبازشریف کی بیرون ملک جانے کی اجازت کے خلاف حکومت اپیل پر سماعت ہوئی

عدالت نے ہائیکورٹ کے فیصلے کے خلاف وفاق کی اپیل پر فریقین کو نوٹس جاری کر دیا اور لاہور ہائیکورٹ سے کیس کا تمام ریکارڈ بھی طلب کر لیا ہے ۔ سپریم کورٹ نے ہدایات جاری کی کہ پٹیشن کب دائر ہوئی اور کب مقرر ہوئی تمام ریکارڈ فراہم کیا جائے ۔ سپریم کورٹ نے نیب کو نوٹس جاری کرنے کی استدعا مسترد کر دی ۔ اٹارنی جنرل نے عدالت میں دلائل دیتے ہوئے کہا کہ مسئلہ کسی کے بیرون ملک جانے کا نہیں بلکہ عدالتی طریقہ کار کا ہے جس رفتار سے عدالت لگی اور حکم پر عملدرآمد کا کہا گیا وہ قابل تشویش ہے ۔

سپریم کورٹ کے جسٹس اعجاز الحسن نے ریمارکس دیتے ہوئے کہا کہ اتنی جلدی سارا کام کیسے ہو سکتا ہے ارجنٹ درخواست پر چیف جسٹس کی باقاعد ہ تحریرہوتی ہے جسٹس سجاد علی شاہ نے ریمارکس دیتے ہوئے کہا کہ شہبازشریف نے ہائیکورٹ سے درخواست واپس لے لی ہے درخواست واپس ہونے پر وفاق کی اپیل کیسے سنی جا سکتی ہے شہباز شریف کا بیرون ملک جانے کا معاملہ تو ختم ہوگیا اب دیکھنا یہ ہے کہ لاہور ہائیکورٹ کے حکم کی توہین ہوئی یا نہیں،شہباز شریف کی درخواست پر ہائیکورٹ کی 7 مئی کی مہر لگی ہے،اٹارنی جنرل نے کہا کہ مہر کے حساب سے تو درخواست دائر بھی اسی دن ہوئی جب حکم دیا گیا، کیا شہبازشریف کو کوئی میڈیکل ایمرجنسی تھی جو اتنی جلدی سماعت ہوئی جسٹس اعجاز الاحسن نے کہا کہ شہباز شریف رکن پارلیمان اور اپوزیشن لیڈر ہیں،شہباز شریف کا احترام ہونا چاہیے،

اٹارنی جنرل نے عدالت میں کہا کہ ایسا کوئی ریکارڈ نہیں کہ شہبازشریف کو ایمرجنسی تھی ، لاہور ہائیکورٹ نے تو وفاق کا موقف بھی نہیں سنا، یکطرفہ حکم دے کر عملدرآمد کیلئے بھی زور دیا گیا ۔

عدالت نے شہبازشریف کے بیرون ملک جانے کی اجازت کے خلاف حکومتی اپیل پر سماعت دو جون تک ملتوی کر تے ہوئے فریقین کو نوٹس جاری کر دیئے ہیں اور جواب طلب کر لیا ہے

شہباز شریف کو باہر جانے دیا تو "مک مکا” کا الزام لگ جائے گا،وفاقی وزیر

شہباز شریف خاندان کے کتنے افراد اشتہاری قرار دے دیئے گئے؟