شہناز گل نے کس اداکارہ کو دیکھ کر طے کیا کہ وہ سلم ہوں گی

بالی وڈ اداکارہ اور کسی کا بھائی کسی کی جان سے بالی وڈ میں اینٹری دینے والی شہناز گل نے حال ہی میں شلپا شیٹی کے ساتھ ایک انٹرویو میں کہا ہے کہ میں نے سلم ہونا ہے یہ اس وقت سوچا جب شلپا شیٹی کو لائیو دیکھا. میں بگ باس سے باہر آئی اور میں نے سلم ہونے کا مشن شروع کر دیا . میں نے اپنی ڈائیٹ کم کر دی اور اس پر پھر سختی سے عمل کیا. میں جب سلم ہو کر دنیا کے سامنے آئی تو سب حیران رہ گئے. میں نے ابھی مزید دنیا کو حیران کرنا ہے. شہناز گل نے کہا کہ اگر انسان طے کر لے کہ اس نے اپنے وزن میں کمی لانی ہے، تو یہ ممکن ہے. شہناز

نے کہا کہ سب سے پہلے تو خود منائیں کہ آپ نے ایسا کرنا ہے جب آپ ذہنی طور پر تیار ہوجائیں تو یہ وزن میں کمی لانا بہت مشکل نہیں رہتا. شہناز نے کہا کہ میں پراٹھے آج بھی کھاتی ہوں ، جو میں پہلے کھاتی تھی ، وہی ابھی بھی کھاتی ہوں بس مقدار کم کر دی ہے. شہناز نے کہا کہ جب میں ہیروئنز کے ساتھ ٹرینرز دیکھا کرتی تھی تو بہت زیادہ متاثر ہوتی تھی. اور سوچتی تھی کہ خدا نے ان کو کتنے وسائل دئیے ہیں ہمیں کیوں نہیں‌دئیے. لیکن مسلسل محنت نے مجھے وہ بھی دے دیا ہے جس کی کبھی خواہش بھی نہیں کی تھی.