اسپیکر قومی اسمبلی ایاز صادق کی جعلی آواز بنا کر پیسے بٹورنے کی کوشش کا انکشاف


اسپیکر قومی اسمبلی ایاز صادق نے قومی اسمبلی کے اجلاس میں انکشاف کیا ہے کہ کسی نے ان کی جعلی آواز بنا کر پیسے بٹورنے کی کوشش کی۔
ایاز صادق نے بتایا کہ کسی شخص نے ان کی آواز کی نقل بنا کر کسی سے پیسے مانگے، اور جب اس نے خود رابطہ کیا تو کہا کہ میں نے کبھی ایسے پیسے نہیں مانگے۔
‎اجلاس کے دوران ایم این اے اعجاز الحق نے بتایا کہ ان کے پاس 19 چالان آئے ہیں اور ایک چالان کل بھی موصول ہوا۔ ایم این اے عالیہ کامران نے سوال اٹھایا کہ یہ رقم کس اکاؤنٹ میں جاتی ہے اور کتنے اکاؤنٹس کا پتا لگایا گیا۔
‎طلال چوہدری نے جواب دیا کہ یہاں رینٹ اے اکاؤنٹس چل رہے ہیں اور اس حوالے سے تمام افراد کا سراغ لگایا جا رہا ہے۔ اختیار بیگ نے بتایا کہ اس معاملے میں اسٹیٹ بینک کو بھی شامل کیا گیا ہے تاکہ تحقیقات مکمل کی جا سکیں۔