سپر پنجابی کا ٹریلر اور میوزک لانچ کر دیا گیا

افتخار ٹھاکر اور صفدر ملک کی فلم سپر پینجابی کا میوزک اورٹریلر گزشتہ روز جاری کر دیا گیا، لاہور میں ایک تقریب کا اہتمام کیا گیا جس میں فلم کی کاسٹ افتخار ٹھاکر ، محسن عباس حیدر ، صائمہ بلوچ، سلیم البیلا و دیگر کے علاوہ عجاز کامران، ناصر چینوٹی، ابو علیحہ،صفدر ملک،ناصر ادیب،شہزاد رفیق،ذوالفقار مانا،ایوب خاور،نئیر اعجاز نے شرکت کی . فلم کی ڈائریکشن ابو علیحہ کی ہیں.گوگا پسوڑی،جرار رضوی،اچھی خان،ذیڈ اے زلفی،آصف اقبال،سہیل ملک فنکاروں کی حوصلہ افزائی کرنے کےلئے خصوصی طور پر

تشریف لائے. سپر پنجابی 12 مئی کو پاکستان سمیت دنیا بھر میں ریلیز ہوگی. اس فلم کو پہلے عید پر ریلیز کرنے کا منصوبہ بنایا گیا تھا لیکن منی بیک گارنٹی اور ہوئے تم اجنبی جیسی فلموں کی موجودگی میں اس فلم کو ریلیز کرنے کا رسک پرڈیوسر صفدر ملک نے بالکل نہیں لیا اور اسے عید کے بعد ریلیز کرنے کا فیصلہ کیا. فلم کی ریلیز قریب ہے اور اس سلسلے میں پرموشنز کا سلسلہ زوروں سے جاری ہے. اس تقریب میں سپورٹس جرنلسٹ عالیہ رشید نے خصوصی طور پر شرکت کی. سپر پنجابی بنانے والوں کا دعوی ہے کہ انہوں نے عوام کی پسند کو مد نظر دیکھتے ہوئے فلم تیار کی ہے امید ہے شائقین سراہیں گے.