مقابلۂ مضمون نویسی (سیرتُ النبی ﷺ) کے نتائج کا اعلان
عمارہ کنول چودھری
(بانی و سرپرست: تحریکِ دفاعِ قومی زبان و لباس)
تحریکِ دفاعِ قومی زبان و لباس کے زیرِ اہتمام منعقد ہونے والے مقابلۂ مضمون نویسی برائے سیرتُ النبی صلی اللہ علیہ وسلم کے نتائج کا اعلان کر دیا گیا ہے۔ اس مقابلے میں ملک کے مختلف علاقوں سے اہلِ قلم نے شرکت کی اور سیرتِ طیبہ ﷺ کے مختلف پہلوؤں کو ادبی اور فکری انداز میں اجاگر کیا۔اس مقابلے کی نمایاں خصوصیت یہ رہی کہ مضمون نویسی میں مختلف ادبی و تعلیمی اداروں کی سربراہان اور معلمات نے بھی بھرپور شرکت کی۔
نتائج کے مطابق درجہ اوّل محمد یوسف طاہر (بانی، عکسِ ادب، خوشاب) نے حاصل کیا، درجہ دوم بِسمعہ مجید (وہاڑی) کے حصے میں آیا، جبکہ درجہ سوم حمرہ اکرام (بونیر، خیبر پختونخوا) نے حاصل کیا۔
مقابلۂ مضمون نویسی کے نتائج ایک غیر جانبدار اور معتبر شخصیت محترم فضل کریم ورک نے مرتب کیے۔
تحریکِ دفاعِ قومی زبان و لباس کی جانب سے تمام فاتحین اور منصف کو سیرتِ طیبہ ﷺ سے متعلق کتب اور اعزازی اسناد سے نوازا جائے گا۔اس مقابلے کا مقصد سیرتِ رسولِ اکرم ﷺ کی تعلیمات کو قومی زبان کے ذریعے عام کرنا اور نئی نسل میں فکری و ادبی شعور بیدار کرنا ہے۔ تحریکِ دفاعِ قومی زبان و لباس آئندہ بھی اردو زبان، اسلامی اقدار اور تہذیبی شناخت کے فروغ کے لیے ایسی ادبی و فکری سرگرمیوں کا انعقاد جاری رکھے گی۔
مقابلہ مضمون نویسی کے انعقاد سے لے کر نتائج تک مختلف ادبی شخصیات کا تعاون شاملِ حال رہا جن میں محترم مفیظ عباسی رکن شعبہ حضرات تحریک، محترمہ پارس کیانی صدر (مرکزی) شعبہ خواتین،محترم فضل کریم ورک( رکن انجمن ترویج زبان و ادب) اور اقصیٰ گل، عائشہ یسین شامل ہیں۔تحریک دفاع قومی زبان و لباس کی انتظامیہ ، مذکورہ ادبی شخصیات کے اخلاقی تعاون اور ادب دوست کردار پر ان کی کاوشوں کو خراجِ تحسین پیش کرتی ہے۔