امریکا میں ڈونلڈ ٹرمپ کی دوبارہ صدارت کے انتخاب کے بعد افغانستان کی طالبان حکومت نے یہ امید ظاہر کی ہے کہ نئی امریکی انتظامیہ حقیقت پسندی کا مظاہرہ کرے گی۔ افغان وزارت خارجہ کے ترجمان عبدالقہار بلخی نے کہا کہ موجودہ حالات کے پیش نظر دونوں ممالک کے تعلقات کو بہتر بنانے کی ضرورت ہے۔ انہوں نے امید ظاہر کی کہ اب دونوں ممالک کے تعلقات میں واضح پیش رفت ہوگی اور اس کے ذریعے ایک نئے دور کا آغاز ممکن ہوگا۔یاد رہے کہ امریکا اور طالبان نے 2020 میں قطر کے دارالحکومت دوحہ میں امن معاہدے پر دستخط کیے تھے، جو کہ ڈونلڈ ٹرمپ کے پہلے عہدِ صدارت میں عمل میں آیا تھا۔ افغان وزارت خارجہ نے مزید یہ بھی امید ظاہر کی کہ ٹرمپ کے دوبارہ صدر بننے سے غزہ اور لبنان میں جاری لڑائی رک سکے گی اور وہ دنیا کو جنگ و جدل سے پاک کرنے میں اہم کردار ادا کریں گے۔