شکست خوردہ ٹرمپ نے اپنی حکومت کے بڑے عہدے والے شخص کو فارغ کردیا
باغی ٹی وی :صدارتی انتخاب میں شکست کا سامنا کرنے والے امریکی صدر ڈونلڈ ٹرمپ نے اپنی کابینہ میں شامل وزیر دفاع مارک ایسپر کو عہدے سے فارغ کردیا۔
امریکی صدر ڈونلڈ ٹرمپ نے اپنی ٹوئٹ میں مارک ایسپر کو عہدے سے ہٹانے کا اعلان کیا اور کہا کہ ان کی خدمات کے لیے شکر گزار ہیں۔
I am pleased to announce that Christopher C. Miller, the highly respected Director of the National Counterterrorism Center (unanimously confirmed by the Senate), will be Acting Secretary of Defense, effective immediately..
— Donald J. Trump (@realDonaldTrump) November 9, 2020
ٹرمپ نے امریکی نیشنل کاؤنٹر ٹیرر ازم سینٹر کے ڈائریکٹر کرسٹوفر سی ملر کو قائم مقام وزیر دفاع مقرر کیا ہے۔خیال رہے کہ امریکی صدارتی انتخاب کے اب تک سامنے آنے والے غیر سرکاری نتائج کے مطابق جو بائیڈن 290 الیکٹول ووٹس حاصل کیے ہیں جبکہ ڈونلڈ ٹرمپ 214 ووٹس حاصل کرسکے ہیں۔ڈیموکریٹ امیدوار جوبائیڈن امریکی صدر ڈونلڈ ٹرمپ کو شکست دیکر امریکا کے نئے صدر منتخب ہوگئے ہیں اور یہ قانون کے مطابق 20 جنوری
کو حلف اٹھائیں گے۔
واضح رہے کہ امریکی صدرڈونلڈ ٹرمپ نے اپنا بیانیہ برقرار رکھا ہے، انہوں نے انتخابات میں فراڈ کے حوالے سے مزید سنگین الزامات عائد کر دیئے ہیں ،ڈونلڈ ٹرمپ نے اپنے ٹویٹر پیغام میں انتخابات کو چوری شدہ قرار دے دیا۔ مزید کہا کہ یہ لوگ چور ہیں، امریکا کی انتخابی مسائل کی ایک تاریخ ہے، بڑے شہروں کی ووٹ ڈالنے والی مشینیں خراب ہیں، الیکشن میں فراڈ کے حوالے سے متعدد حلفیہ بیانات بھی سامنے آچکے ہیں