امریکہ میں ایم کیو ایم رہنما پر فائرنگ
باغی ٹی وی کی رپورٹ کے مطابق امریکہ میں مقیم ایم کیو ایم کے سابق رہنما ندیم نصرت کی کار پر مبینہ فائرنگ کی گئی ہے
ایم کیو ایم کے رہنما واسع جلیل نے تصدیق کرتے ہوئے کہا ہے کہ ندیم نصرت کی کار پر فائرنگ ہیوسٹن میں دوپہر کے وقت کی گئی،ندیم نصرت ہیوسٹن میں تقریب میں شرکت کے بعد گھر جا رہے تھے،جب نا معلوم ملزمان کی جانب سے فائرنگ کی گئی، واقعہ کی اطلاع پر پولیس موقع پر پہنچ گئی، پولیس نے فائرنگ کے واقعہ کی تحقیقات کا آغاز کر دیا ہے
قبل ازیں ہیوسٹن میں وائس آف کراچی کا پروگرام ہوا، چیئرمین ندیم نصرت کا پاکستانی کمیونٹی سے خطاب ایک گھنٹے تک جاری رہا۔ ندیم نصرت نے اپنے خطاب میں مہاجروں کے ساتھ ہونے والی ناانصافیوں، اور پاکستان کی موجودہ صورتحال پر تفصیلی بات کی تھی