یمن کے ساحلی علاقے کے قریب افریقی پناہ گزینوں کی کشتی سمندر میں الٹنے کے نتیجے میں کم از کم 54 افراد جاں بحق ہو گئے، جبکہ درجنوں کو زندہ بچا لیا گیا۔
عالمی رپورٹس کے مطابق پناہ گزینوں کو غیر قانونی طور پر یمن کے راستے اٹلی منتقل کیا جا رہا تھا کہ کشتی بحیرہ احمر کے قریب حادثے کا شکار ہو گئی۔بچائے گئے افراد میں زیادہ تر کا تعلق ایتھوپیا سے بتایا جا رہا ہے، جبکہ کچھ دیگر افریقی ممالک کے شہری بھی شامل ہیں۔حادثے کے فوراً بعد مقامی امدادی ٹیموں نے کارروائی کرتے ہوئے کئی افراد کو سمندر سے نکال کر اسپتال منتقل کیا، تاہم متعدد افراد اب بھی لاپتا ہیں۔ امدادی ٹیمیں تاحال تلاش میں مصروف ہیں۔
یہ واقعہ ایک بار پھر غیر قانونی ہجرت اور انسانی اسمگلنگ کے سنگین خطرات کو اجاگر کرتا ہے۔