قصور کی تحصیل چونیاں کے سکولوں میں طالبات صفائی کرنے پر مجبور سی او ایجوکیشن بے خبر
تفصیلات کے مطابق گورنمنٹ ماڈل پرائمری سکول موضع رکھ جھوک تحصیل چونیاں کی طلباء سے روزانہ کی بنیاد پر ہیڈ مسٹریس نے سکول سے باہر بازار کی صفائی کروانا معمول بنا لیا ہے کئی بار اہل علاقہ نے معصوم بچیوں کو سکول سے باہر جھاڑو لگاتے دیکھا ہے غریب والدین پرائیویٹ سکولوں کی فیس نہیں دے سکتے جس کی وجہ سے وہ اپنی بچیوں کو سرکاری سکول میں پڑھنے کے لیے بھیجتے ہیں تاکہ ان کی بیٹیاں پڑھ لکھ سکیں مگر سرکاری سکولوں میں تعلیم کی بجائے ان سے سکولوں کے اندر تو صفائی کروائی ہی جاتی ہے مگر جہالت کی انتہا کہ اب باہر سڑکوں پر بھی خاکروبوں والا کام سکول کی طلباء سے کروایا جا رہا ہے
جو کہ محکمہ ایجوکیشن کے منہ پر بدنما داغ سے کم نہیں
محکمہ ایجوکیشن کے اعلی آفیسر خاموش تماشائی بنے اپنے دفتروں تک ہی محدود ہیں وزیر اعلی پنجاب وزیر تعلیم پنجاب نوٹس لیں تاکہ غریبوں کی بچیاں اپنی تعلیم بہتر طریقے سے حاصل کر سکیں