سال 2025ء بھارتی خارجہ پالیسی کی ناکامیوں اور ہزیمت کا سال رہا، 2025ء میں بھارت کو عالمی سطح پر سفارتی سُبکی کا سامنا کرنا پڑا، بھارت میں نریندر مودی سے وابستہ توقعات حقیقت کا روپ نہ دھار سکیں۔
بھارتی اخبار دی ہندو نے 2025ء کو خارجہ پالیسی کو توقعات پر پورا نہ اترنے کا سال قرار دیدیا، رپورٹ میں کہا کہ سرمایہ کاری رکاوٹیں برقرار رہیں اور بھارت محض علامتی موجودگی تک محدود رہا، امریکی تعلقات کیلئے 2025ء بھارت کیلئے اس صدی کا مشکل ترین سال ثابت ہوا،دی ہندو کا کہنا ہے کہ 2025ء کی امریکی نیشنل سیکیورٹی اسٹریٹجی میں بھارت کو محدود کردار تک سمیٹ دیا گیا،بھارتی اخبار دی ہندو نے پہلگام فالس فلیگ آپریشن کو سنگین سیکیورٹی ناکامی قرار دیا اور پہلگام کے بعد بھارتی عسکری کارروائیوں کو سفارتی سطح پر عالمی حمایت نہ ملنے کا اعتراف کیا گیا،رپورٹ میں کہا گیا ہے کہ بھارتی کارروائی کے بعد طیاروں کے نقصانات پر خاموشی نے بھارت کی ساکھ کو نقصان پہنچایا، سعودی پاکستان باہمی دفاعی معاہدے کا اعلان بھارت کیلئے اضافی دھچکا تھا۔
ماہرین کے مطابق دی ہندو اخبار نے بھارت کی کمزور سفارتکاری کو عیاں کردیا۔ دی ہندو کا کہنا ہے کہ بھارت ”وشو گرو” کے بیانیے سے نکل کر ”وشو وکٹم” کی طرف بڑھ رہا ہے، لائن آف ایکچول کنٹرول پر کوئی ٹھوس سیکیورٹی پیشرفت نہیں ہوسکی، بھارت اور بنگلا دیش کے تعلقات کشیدہ سطح پر پہنچ چکے ہیں۔