خیبرپختونخوا اور بلوچستان میں سیکیورٹی فورسز نے خفیہ اطلاعات کی بنیاد پر مختلف کارروائیاں کرتے ہوئے مجموعی طور پر 34 دہشتگردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق 24 فروری کو خیبرپختونخوا میں چار الگ الگ جھڑپوں کے دوران 26 دہشتگرد مارے گئے، جبکہ بلوچستان میں کیے گئے آپریشن میں مزید 8 دہشتگرد ہلاک ہوئے۔
بیان کے مطابق شمالی وزیرستان کے علاقے حسن خیل میں پاک افغان سرحد کے قریب دہشتگردوں کی نقل و حرکت کی اطلاع پر کارروائی کی گئی، جہاں بروقت آپریشن کے دوران افغانستان سے تعلق رکھنے والا ایک دہشتگرد مارا گیا۔
لکی مروت میں سیکیورٹی فورسز اور دہشتگردوں کے درمیان شدید فائرنگ کا تبادلہ ہوا، جس میں 3 دہشتگرد ہلاک ہوئے۔ اسی طرح بنوں کے علاقے نرمی خیل میں دو مختلف جھڑپوں کے دوران مزید 10 دہشتگرد مارے گئے۔
آئی ایس پی آر کا کہنا ہے کہ سیکیورٹی فورسز ملک میں دہشتگردی کے خاتمے کے لیے کارروائیاں جاری رکھیں گی۔
خیبرپختونخوا اور بلوچستان میں سیکیورٹی آپریشنز، 34 دہشتگرد ہلاک
