ایف اے ٹی ایف کے اجلاس میں شرکت کے لئے پاکستان کا دورکنی وفد امریکا روانہ ہو گیا
باغی ٹی وی کی رپورٹ کے مطابق ایف اے ٹی ایف ورکنگ گروپ کا اجلاس 21 جون تک جاری رہے گا، اجلاس میں پاکستان کا وفد شرکت کے لئے امریکا روانہ ہو گیا ہے جو پاکستان کے بارے میں مذاکرات کرے گا. فلوریڈا کے شہر آرلینڈو میں ایف اے ٹی ایف کا اجلاس ہو گا .ڈی جی ایف ایم یواوروزارت خزانہ کے لیگل کنسلٹنٹ وفدمیں شامل ہیں
واضح رہے کہ اس سے قبل پاکستان کے 12رکنی وفد نے 14اور 15 مئی کو چین کے شہر گوانگ زو میں ہونے والے ایف اے ٹی ایف کے اجلاس میں شرکت کی تھی ۔فنانشل ایکشن ٹاسک فورس نے اپنی رپورٹ میں ستائیس نکاتی ایکشن پلان میں اٹھارہ نکات کو نامکمل قرار دیا تھا۔ ادارے نے پاکستان کو آٹھ کالعدم تنظیموں کیخلاف موثرترین اقدامات کر نے کی ہدایت کی ہے ۔