عائزہ خان واحد لڑکی ہے جس کے ساتھ فلرٹ نہیں کیا

اداکارہ ماریہ واسطی کو دیے گئے ایک انٹرویو میں دانش تیمور نے عائزہ خان سے اپنے تعلق ان سے پہلی ملاقات اور شادی کی پیشکش کے حوالے سے بات کرتے ہوئے بتایا کہ عائزہ واحد لڑکی ہے جس کے ساتھ میں نے فلرٹ نہیں کیا بلکہ سیدھا شادی کی پیشکش کی تھی

ماریہ واسطی نے دانش تیمور سے پوچھا کہ آپ نے عائزہ کو شادی کے لیے کیسے منایاجس پر دانش تیمور نے کہا مجھے عائزہ سے محبت تھی وہ واحد خاتون ہے جس کے ساتھ میں نے فلرٹ نہیں کیا

دانش تیمور نے بتایا کہ میں نے پہلی بات عائزہ سے یہی کی تھی کہ مجھے آپ سے شادی کرنی ہے، میں نے گھومنے پھرنے اور ملاقاتوں کے حوالے سے کوئی بات ہی نہیں کی دانش نے مزید بتایا کہ اس وقت فیس بک سے قبل آرکٹ ہوتی تھی اور ہم دونوں کی وہیں پہلی بار بات ہوئی ہوئی تھی شادی سے قبل میں نے عائزہ خان سے کبھی درخواست نہیں کی کہ وہ میرے ساتھ باہر چلیں شروع میں ہماری لڑائی بھی ہوئی تھی

میرے پاس تم ہو میں دانش نام پر اعتراض تھا عائزہ خان

دانش تیمور نے کہا کہ عائزہ نے میرے کام کی تعریف کی اور کہا کہ وہ میری بہت بڑی مداح ہیں تب میں نے سوچا کہ یہ لڑکی بہت اچھی ہے اور اسے میرے گھر میں ہونا چاہیے جس کے بعد میں نے انہیں شادی کی پیشکش کی لیکن عائزہ نے یقین کرنے سے انکار کردیا

انہوں نے کہا کہ عائزہ کو یقین دلانے کے لیے انہوں نے یہ بھی کہا کہ وہ ان کی والدہ سے ملاقات کرنا چاہیں گے جس کے بعد عائزہ سے ملنے سے قبل ہی ان کی ملاقات ان کی والدہ سے ہوئی

دانش تیمور نے ایک دلچسپ واقعہ بیان کرتے ہوئے بتایا کہ جب میں کالج میں تھا تو میری ایک دوست مجھے پسند کرتی تھی لیکن ایک سال بعد مجھے ایسا محسوس ہوا کہ اب ہمیں اپنی تعلیم پر فوکس کرنا چاہیے میں جانتا تھا ہم شادی نہیں کرسکیں گے کیوںکہ میری عمر بہت کم تھی لیکن جب میں نے اسے یہ بتایا تو اس نے یقین نہیں کیا وہ سمجھی کہ میں کسی اور کو پسند کرتا ہوں

دانش نے کہا اس لڑکی نے زور دیا کہ میں اس لڑکی کا نام بتاؤں تو صرف بات ختم کرنے کے لیے میں نے کہا کہ میں کسی کنزہ نامی لڑکی کو پسند کرتا ہوں یہ بات عائزہ سے ملنے سے 10 سال پہلے کی تھی اور 10 سال بعد جب میں عائزہ سے ملا اور وہ مجھے پسند آئیں تو پتا چلا کہ عائزہ کا اصل نام کنزہ ہی ہے اور میں نے اس طرح کنزہ سے ہی شادی کی

دانش تیمور نے کہا کہ وہ قسمت پر یقین رکھتے ہیں اور یہی وجہ ہے کہ عائزہ آج ان کی زندگی کا حصہ ہیں

عائزہ خان اور دانش تیمور کی شادی 2014 میں ہوئی تھی اور ان دونوں کے دو بچے حورین اور ریان ہیں