سکیورٹی فورسز نے بلوچستان کے ضلع نوشکی میں کارروائی کرتے ہوئے 7 بھارتی اسپانسرڈ دہشت گردوں کو ہلاک کر دیا۔
آئی ایس پی آر کے مطابق سکیورٹی فورسز نے 30 اور 31 جولائی کی درمیانی رات بلوچستان کے ضلع نوشکی میں فتنہ الہندوستان کے دہشت گردوں کی موجودگی کی خفیہ اطلاعات پر کارروائی کی،کارروائی کے دوران دہشت گردوں کی ایک پناہ گاہ کی نشاندہی کرکے مسلسل نگرانی کی گئی،سکیورٹی فورسز نے بروقت اور مؤثر کارروائی کرتے ہوئے دہشت گردوں کی کمین گاہ کو تباہ کر دیا، کارروائی میں ایک خودکش بمبار سمیت 7 بھارتی اسپانسرڈ دہشت گرد مارے گئے جبکہ جائے وقوعہ پر موجود اسلحہ،گولہ بارود اور دیسی ساختہ دھماکاخیزآلات کا ذخیرہ بھی تباہ کردیا گیا، وژن ’عزمِ استحکام‘ کے تحت دہشت گردی کے ناسور کے مکمل خاتمے تک مہم بھرپور قوت سے جاری رہے گی۔