ڈالر کی مسلسل اونچی اڑان کے بعد آج ڈالر کی قدر میں کمی ہو گئی جس کی وجہ سے تاجر برادری نے سکھ کا سانس لیا
باغی ٹی وی کی رپورٹ کے مطابق ڈالر کی قیمت میں مسلسل اضافے کے بعد آج جمعہ کی صبح ڈالر کی قدر میں انتر بینک میں 3 روپے پانچ پیسے کی کمی ہوئی جس سے ڈالر 131 روپے کا ہو گیا، اوپن مارکیٹ میں بھی ڈالر ایک روپے پچاس پیسے سستا ہو کر ا63 روپے کا ہو گیا،.
واضح رہے کہ ڈالر گزشتہ روز 164 روپے 5 پیسے پر بند ہوا تھا۔ گزشتہ 2 روز کے دوران ڈالر 7 روپے سے زائد مہنگا ہوا ہے جس سے روزمرہ استعمال کی اشیا سمیت دیگر مصنوعات مزید مہنگی ہونے کا خدشہ رہا تاہم آج ڈالر 55 پیسے گرا ہے جو پاکستانی معیشیت کیلئے مثبت اشاریہ ہے۔
لاہور چیمبر آف کامرس کے صدر الماس حیدر نے ڈالر کی بڑھتی ہوئی قیمت پر کہا تھا کہ حکومت ڈالر کی بے لگام دوڑ پر واضح پالیسی بیان دے ،ڈالرکی بڑھتی قیمت سے کاروباری برادری میں اضطراب ہے، وروز کے دوران ڈالر کی قیمت 7 روپے بڑھی ہے.
لاہور چیمبر آف کامرس کے سینئر نائب صدر خواجہ شہزاد ناصر نے کہا تھا کہ ڈالر کی بڑھتی قیمت معیشت کیلیے برا شگون ہے،رواں ماہ سے اب تک ڈالر کی قیمت میں16روپے کااضافہ ہوچکا ،بیرونی قرضوں کے حجم میں 1400ارب روپے کا ازخود اضافہ ہواہے ،ڈالر کی قیمت میں اضافہ مہنگائی کی نئی لہر لارہا ہےآج عام آدمی کی قوت خرید متاثر ہورہی ہے
واضح رہے کہ جمعرات کو مارکیٹ میں کاروبار کے دوران ڈالر نے پھر اونچی اڑان بھری، ڈالرانٹربینک میں ایک روپیہ 84 پیسے مہنگا ہونے سے تاریخ کی بلند ترین سطح 164 روپے پر ٹریڈ کرتا رہا۔ انٹربینک میں ڈالر 164 روپے 50 پیسے کا ہو گیا