اداکارہ مہوش حیات نے اسلام آباد کی مارگلہ پہاڑیوں پر گندگی دیکھ کر شدید مایوسی کا اظہار کرتے ہوئے کہا کہ کیا یہ پاکستان کی وہ تصویر ہے جو ہم آنے والے سیاحوں کو دکھانا چاہتے ہیں؟
باغی ٹی وی : سماجی رابطے کی ویب سائٹ ٹویٹر پر مہوش حیات نے پاکستان تحریک انصاف سوشل میڈیا کے بانی عمران غزالی کا ٹوئٹ شیئر کیا جس میں وہ اسلام آباد کی مارگلہ پہاڑیوں پر ماحولیاتی آلودگی سے عوام کو آگاہ کرتے نظر آرہے ہیں۔
I love going up to the Margalla Hills whenever I can. It always disappoints me to see all this litter and filth. I somehow expected more from the ISB crowd to keep these places of natural beauty clean. Is this the image we want to be showing to the tourists who visit ?? https://t.co/rIdDqp71ec
— Mehwish Hayat TI (@MehwishHayat) June 9, 2020
عمران غزالی کی جانب سے شیئر کی جانے والی ویڈیو میں دیکھا جاسکتا ہے کہ مارگلہ پر جگہ جگہ پلاسٹک کی خالی بوتلیں اور دیگر کھانے کی اشیاء کے ریپر موجود ہیں۔
عمان غزالی نے ویڈیو شئیر کرتے ہوئے لکھا تھا کہ میری اسلام آباد کے تمام رہائشیوں سے گزارش ہے جو بھی مارگلہ ہلز ٹریل پر جاتے ہیں وہ ماحول میں آلودگی مت پھیلائیں۔ یہ دیکھ کر بہت دکھ ہوا کے لوگوں نے یہاں پلاسٹک کی بوتلیں اور پلاسٹک بیگز پھینکے ہوئے ہیں، یہ ایک خوبصورت ماحول کے ساتھ بہت بڑی ذیادتی ہے۔
مہوش حیات نے عمران غزالی کا ٹویٹ شئیر کرتے ہوئے لکھا کہ مجھے مارگلہ پہاڑیوں پر جانا بہت پسند ہے لیکن میں ہمیشہ وہاں موجود گندگی اور کوڑے کو دیکھ کر مایوس ہوجاتی ہوں۔
اداکارہ نے کہا کہ مجھے اسلام آباد کے عوام سے اُمید تھی کہ وہ قدرت کے ان حسین مناظر کی خوبصورتی کو برقرار رکھنے میں اپنا ایک اہم کردار ادا کریں گے۔
اُنہوں نے ماحولیاتی آلودگی پر شدید غصے کا اظہار کرتے ہوئے کہا کہ کیا آپ پاکستان آنے والے سیاحوں کو یہ دکھائیں گے؟
با لی وڈ فلم انڈسٹری اپنے کام سے پاک بھارت تعلقات کو بہتر کر سکتی ہے مہوش حیات