کراچی میں ایک بار پھر حوانیت کا دل دہلا دینے والا واقعہ سامنے آیا ہے، جہاں منوڑا کے قریب ایک غیر آباد و ویران پلاٹ سے 7 سالہ معصوم بچی کی لاش برآمد ہوئی ہے۔
پولیس حکام کے مطابق ابتدائی تحقیقات اور طبی معائنے میں تصدیق ہوئی ہے کہ معصوم بچی کو پہلے جنسی زیادتی کا نشانہ بنایا گیا اور اس کے بعد بے دردی سے قتل کر دیا گیا۔
پولیس کا مزید کہنا ہے کہ سفاک ملزمان نے جرم پر پردہ ڈالنے کی کوشش کی اور بچی کو قتل کرنے کے بعد اس کی لاش کو کشتی کے ذریعے منوڑا لایا اور ویران پلاٹ میں پھینک کر فرار ہو گئے۔
واقعے کی اطلاع ملتے ہی پولیس نے لاش کو تحویل میں لے کر ضابطے کی کارروائی کے لیے ہسپتال منتقل کر دیا ہے جبکہ واقعے میں ملوث ملزمان کی گرفتاری کے لیے تفتیش کا آغاز کر دیا گیا ہے۔
کراچی: ویران پلاٹ سے 7 سالہ بچی کی لاش برآمد، زیادتی کے بعد قتل کا انکشاف
