نیا نظام کیا تبدیلی لائے گا وزیرا اعظم نے خوشخبری سنادی
وزیراعظم نے خطاب کرتے ہوئے کہا ہےکہ کیش اکانومی عوام کو فائدہ اٹھانے کی راہ میں رکاوٹ ہے، راست پروگرام ڈیجیٹل پاکستان کی طرف اہم قدم ہے، راست پروگرام پر اسٹیٹ بینک کو مبارکباد دینا چاہتا ہوں۔
وزیر اعظم نے کہا کہ پاکستان پوری دنیا میں سب سے کم ٹیکس اکٹھا کرتا ہے، 22کروڑ آبادی میں سے صرف 20 لاکھ افراد ٹیکس دیتے ہیں،ان 20 لاکھ میں سے 70 فیصد ٹیکس صرف 3 ہزار افراد دیتے ہیں، احساس پروگرام کےذریعےغربت کے خاتمے کے لئے کام کررہےہیں، جس ملک کا ریونیو نہ ہو وہ ترقی کیسے کرے گا؟ کم ٹیکس اکٹھا کرنے کے باعث انسانی ترقی پر زیادہ پیسہ خرچ نہیں کیا جاسکتا۔
ان کا پاکستان کے پہلے فوری ڈیجیٹل ادائیگی کے نظام ’’راست‘‘ کے اجرا کی تقریب سے خطاب کرتے ہوئے کہنا تھا کہ کرنٹ اکاؤنٹ خسارے کی وجہ سے روپے پر پریشر پڑتا ہے، روپے کی قدر میں کمی سے چیزیں مہنگی ہو جاتی ہیں۔ احساس پروگرام کے ذریعے غربت کم کرنے کی کوشش کر رہے ہیں۔
عمران خان کا کہنا تھا کہ پاکستان دنیا میں سب سے کم ٹیکس اکٹھا کرتا ہے۔ 22 کروڑ عوام میں سے صرف بیس لاکھ لوگ ٹیکس دیتے ہیں۔ کم ٹیکس اکٹھا کرنے کے باعث ملکی تعمیر وترقی پر زیادہ خرچ نہیں کر سکتے۔ سٹیٹ بینک کے اقدامات سے ترسیلات زر میں ریکارڈ اضافہ ہوا ہے۔
اپنے خطاب کے دوران وزیراعظم نے پاکستانی خواتین کے لیے اقدامات پر نیدرلینڈ کی ملکہ میکسیما کا شکریہ ادا کیا۔
اس سے قبل گورنر سٹیٹ بینک رضا باقر کا تقریب سے خطاب میں کہنا تھا کہ ’’راست‘‘ نظام سے کرپشن کے خاتمے میں بھی مدد ملے گی۔ موجودہ حکومت کی سرپرستی میں ملک میں ڈیجیٹل بینکنگ میں تیزی سے اضافہ ہو رہا ہے۔
گورنر سٹیٹ بینک نے کہا کہ نئے نظام سے بینکوں، مالیاتی اداروں، سرکاری ادائیگیوں میں غیر ضروری تاخیر اور مشکلات کا خاتمہ ہوگا۔ ڈیجیٹل نظام ’’راست‘‘ کے ذریعے مالی لین دین کو محفوظ، موثر اور شفاف بنایا جا سکے گا۔
ان اک کہنا تھا کہ ‘’راست’’ نظام وزیراعظم عمران خان کے ڈیجیٹل پاکستان وژن کا حصہ ہے۔ ڈیجیٹل پاکستان وژن کا مقصد غریب طبقے کو معاشی سرگرمیوں میں حصہ دار بنانا ہے.
وزیر اعظم نے کہا کہ کرنٹ اکاؤنٹ خسارے سے روپے پر بہت اثر پڑتا ہے، اسٹیٹ بینک کے اقدامات سے ترسیلات زر میں اضافہ ہوا، 5 ماہ میں کرنٹ اکاوَنٹ سرپلس میں چلا گیا، کرنٹ اکاوَنٹ سرپلس ہونے سے پاکستانی روپے کو استحکام ملا۔