کرکٹر حسن علی کا نکاح 20 اگست کو دبئی میں طے ہے. کرکٹر حسن علی نے پری سیزن کیمپ کے ابتدائی دنوں سے چھٹی مانگ لی ہے.
کرکٹر حسن علی کا 20 اگست کو دبئی میں بھارتی لڑکی سامیعہ آرزو سے نکاح طے ہو گیا ہے جبکہ پاکستان کرکٹ بورڈ نے گزشتہ روز پری سیزن کیمپ کے لیئے کھلاڑیوں کے ناموں کا اعلان کیا جس میں حسن علی کا نام بھی شامل تھا. انیس اور بیس اگست کو کیمپ میں کھلاڑیوں کے فٹنس ٹیسٹ شیڈول ہیں.
زرائع کا کہنا ہے کہ کیمپ کے ابتدائی دنوں میں کرکٹر حسن علی شریک نہیں ہو سکیں گے اور اس حوالے سے انہوں نے پی سی بی کو مطلع کر دیا ہے اور کہا ہے کہ وہ کیمپ کو جوائن کرتے ہی پہلے فٹنس ٹیسٹ دے دیں گے.
واضح رہے امکان ہے کہ حسن علی 26 یا 27 اگست کو کیمپ میں رپورٹ کریں گے. حسن علی کی دبئی میں ہونے والی نکاح کی تقریب میں قریبی عزیز و اقارب شریک ہوں گے. حسن علی کے قریبی دوست شاداب خان بھی تقریب میں شرکت کریں گے.