او لیولز تک نعمان اعجاز کے سٹار ڈم کا اندازہ نہیں تھا زاویار نعمان

نعمان اعجاز کے بیٹے زاویار نعمان نے اپنے حالیہ انٹرویو میں کہا ہے کہ مجھے تو او لیولز تک پتہ ہی نہیں تھا کہ نعمان اعجاز کی اہمیت کیا ہے پاکستان میں ان کے کتنے مداح ہیں . مجھے اداکاری کرنے کا شوق تھا جب میں نے اپنے والد سے کہا کہ مجھے اداکاری کرنی ہے تو انہوں نے کہا کہ پہلے پڑھائی مکمل کرو مجھے ڈگری لا کر دو پھر جو مرضی کرو. زاویار نے یہ بھی کہا کہ لوگ سمجھتے ہیں کہ میں نعمان اعجاز کا بیٹا ہوں تو بچپن سے ہی ان سے اداکاری سیکھ رہا ہوں گا ، بھئی ایسا کچھ بھی نہیں ہے ، والد صاحب تو کہتے تھے کہ پڑھائی مکمل کرو پھر اداکاری کی بات کرنا.

زاویار نعمان نے کہا کہ میں نے اپنے والد کی اداکاری سے بہت کچھ سیکھا ہے. ابا جی سیٹ پر باپ نہیں‌ہوتے بلکہ ایک سینئر اداکار ہوتے ہیں. زاویار نے کہا کہ میں ایسا کام کرنا چاہتا ہوں جو لوگوں کو ہمیشہ یاد رہے ، مجھے ابھی تک جتنے بھی کردار ملے ہیں ان سے بے حد مطمئن ہوں لیکن بطور اداکار میں سمجھتا ہوں اطبھی بہت لمبا سفر طے کرنا ہے.