سپورٹس کی معروف اور نامور صحافی عالیہ رشید گزشتہ سال فلم رہبرا کے میوزک لانچ بھی دیکھی گئی تھیں اور اب وہ پنجابی فلم سپر پنجابی کے میوزک اور ٹریلر لانچ پر پہنچیں. انہوں نے اس موقع پر فلم کی پوری کاسٹ سے ملاقات کی اور نیک تمنائوں کا اظہار کیا . عالیہ رشید نے ابو علیحہ سے بھی ملاقات کی اور ان سے کچھ سوالات کئے انہوں نے ڈائریکٹر ابو علیحہ سے پوچھا کہ آپ اتنی جلدی کیسے کام نمٹا لیتے ہیں تو ابو علیحہ نے ان سے کہا کہ مجھے پتہ ہوتا ہے کہ میں نے کہاں سے اور کیسا شاٹ لینا ہے میں نے اپنا ہوم ورک کیا ہوتا ہے لہذا اس کے مطابق کام وقت پر ہی پورا کر لیتا ہوں. عالیہ رشید نے بات چیت میںکہا کہ میری دعائیں ان سب کے ساتھ ہیں جو اس وقت فلم انڈسٹری کے ری وائیول میں
حصہ ڈال رہے ہیں .اچھی فلمیںبن رہی ہیں ہمیں ان کو سپورٹ کرنا چاہیے. سپر پنجابی کو افتخار ٹھاکر نے بنایا ہے یقینا یہ ایک اچھی اور معیاری فلم ہو گی اس کاسٹ کے تمام فنکار بہت ہی نامور اور محنتی ہیں ، مجھے بہت امید ہے کہ یہ فلم بہت اچھا بزنس کر گی اچھی بات یہ ہے کہ پاکستان کے ساتھ ساتھ دنیا کے دیگر ممالک میں بھی ریلیز ہونے جا رہی ہے.