اسلام آباد ہائی کورٹ کا زین قریشی کے نام کو ای سی ایل سے نکالنے کا حکم

عدالت نے ایگزٹ کنٹرول لسٹ (ای سی ایل) اور نو فلائی لسٹ سے نام نکالنے کی درخواست پر وزارت داخلہ کو نوٹس جاری کردیا۔ اسلام آباد ہائیکورٹ نے ڈائریکٹر جنرل (ڈی جی) امیگریشن کو زین قریشی کا پاسپورٹ جاری کرنےکی ہدایت کردی۔چیف جسٹس اسلام آباد ہائیکورٹ عامر فاروق نے زین قریشی کی درخواست پر سماعت کرتے ہوئے درخواست گزار کے وکیل سے استفسار کیا کہ مسئلہ کیا ہے؟وکیل علی بخاری نے کہا کہ بیرون ملک جانا ہے لیکن کہتے ہیں پاسپورٹ ایکسپائر ہو گیا ہے، ڈی جی امیگریشن کو ہدایات دی جائیں کہ نیا پاسپورٹ جاری کیا جائے، زین قریشی کا نام نو فلائی لسٹ اور ای سی ایل سے نکالنے کی ہدایت بھی کی جائے۔عدالت نے نئی ہدایات جاری کرتے ہوئے فریقین کو نوٹس کرکے 29 اپریل تک جواب طلب کرلیا۔