برطانوی شہزادہ ہیری گزشتہ روز اخبار ڈیلی میل کے خلاف دائر مقدمے کی سماعت کے لیے لندن ہائیکورٹ میں پیش ہوئے۔
شاہی محل سے جاری ہونے والے ایک بیان میں کہا گیا ہے کہ شہزادہ ہیری کی لندن ہائی کورٹ میں پیشی کے بعد کنگ چارلس نے اسکاٹ لینڈ میں ایک اہم ملاقات کی،77 سالہ شاہ سوم نے گزشتہ روز اپنی شاہی مصروفیات کے دوران پیلس آف ہولیرُوڈ ہاؤس میں اہم ملاقاتیں کیں۔
بکنگھم پیلس کی جانب سے جاری کردہ تصاویر میں دیکھا جا سکتا ہے کہ کنگ چارلس نے اسکاٹ لینڈ انویسٹمنٹ فورم میں شریک افراد کے اعزاز میں ایک استقبالیہ کا اہتمام کیا، جس کا مقصد ملک کی کاروباری اور تخلیقی صلاحیتوں کو سراہنا تھا۔
شاہی محل نے شہزادہ ہیری کی برطانیہ آمد کے بعد پہلے باضابطہ بیان میں کہا ہے کہ پیلس آف ہولیرُوڈ ہاؤس میں شاہ سوم چارلس کے ہمراہ اسکاٹ لینڈ کے فرسٹ منسٹر جان سوِنی بھی موجود تھے،اس تقریب میں سرمایہ کاروں، کاروباری نمائندوں، ٹیکنالوجی، صحت اور مصنوعی ذہانت سمیت مختلف شعبوں کے رہنماؤں نے شرکت کی،اس موقع پر کنگ چارلس اور فرسٹ منسٹر نے روزبینک ڈسٹلری کے نمائندوں سے بھی ملاقات کی، جو ایک مقامی کامیابی کی مثال سمجھی جاتی ہے۔
ڈیوک آف سسیکس نے پیر کو عدالت کو بتایا کہ یہ محسوس کرنا پریشان کن تھا کہ میری ہر حرکت، سوچ یا احساس کو ٹریک کیا جا رہا ہے”ڈیلی میل کے خلاف دعویٰ کرنیوالی دیگر شخصیات میں اداکارہ لیز ہرلے ، سیڈی فروسٹ اور دیگر شامل ہیں۔ تمام شخصیات نے ذاتی زندگی میں مداخلت کے شواہد ملنے کے بعد اخبار کے خلاف دعویٰ گزشتہ سال دائر کیا، جس میں نجی تفتیش کاروں کے ذریعے گاڑیوں اور گھروں میں حساس آلات نصب کرنا اور ٹیلی فونک بات چیت کی ریکارڈنگ کرنا شامل ہیں۔
ایسوسی ایٹڈ نیوز پیپرز لمیٹڈ (ANL) پر سات دعویداروں کی طرف سے اس معاملے میں "رازداری کی سنگین خلاف ورزی” کا الزام لگایا گیا ہےتنظیم نے بار بار ان الزامات کی تردید کی ہے جسے وہ "لوریڈ” اور "مضحکہ خیز” کہتے ہیں 2023 میں کیس کو ختم کرنے کی اپنی کوشش میں ناکام رہا۔
دعویداروں کے وکلاء نے کامیابی کے ساتھ دلیل دی کہ نئے شواہد سامنے آئے ہیں، اور وہ نہیں جانتے تھے کہ اس وقت خفیہ معلومات کیسے حاصل کی جا رہی تھیں۔