ویزہ فراڈ،امریکی سفارتخانےکی رپورٹ پر مقدمہ درج،کوٹمومن کے پیرکا بڑا دھوکہ

امریکی سفارتخانے کی رپورٹ پر ایف آئی اے نے ویزا فراڈ میں ملوث افراد کے خلاف کارروائی شروع کر دی

اسلام آباد میں فیڈرل انویسٹی گیشن ایجنسی،ایف آئی اے نے امریکی سفارتخانے کی اطلاع پر ویزا فراڈ کے سلسلے میں مقدمہ درج کر لیا ہے۔ یہ مقدمہ اینٹی ہیومن ٹریفکنگ سرکل اسلام آباد میں درج کیا گیا اور ایف آئی آر نمبر AHTC-ICT-28/26 دیا گیا ہے۔مقدمے کے مطابق، امریکی سفارتخانے نے اطلاع دی کہ چند پاکستانی شہریوں نے غیر قانونی ویزا حاصل کرنے کے لیے جعلی دستاویزات فراہم کیں۔ ان افراد نے امریکی ویزا اپائنٹمنٹ کے لیے درخواست دی، لیکن ان کے فراہم کردہ دستاویزات اور کانفرنس کی معلومات جعلی ثابت ہوئیں۔ایف آئی اے کی ابتدائی تحقیقات کے مطابق، بلال حسن،رمشہ زبیر،محمد اسد اقبال،علی رضا،اویس قمر رانجھا،معظم علی،ارشمان احمد،وقاص اسلم،احسن رضا،محمد ریحان،مدثر نذیر گوندل،محمد حسنین نے جعلی ویزا دستاویزات پیش کیں،تحقیقات سے معلوم ہوا کہ یہ افراد جعلی دستاویزات فراہم کرنے والے ایجنٹس الشیخ السید سیف الدین ولد حافظ محمد اسلم المعروف عثمان گیلانی، پیر صاحب کے ذریعے دھوکہ کھا گئے اور لاکھوں روپے ادائیگی کی گئی۔ اس فراڈ میں دیگر ملوث افراد میں رب نواز، محمد طاہر شبیر اور انعام الحق شامل ہیں۔

مقدمے کے مطابق، ایجنٹس نے ویزا حاصل کرنے کے بہانے متاثرین سے 20 لاکھ سے 45 لاکھ روپے تک وصول کیے، جبکہ بعض معاملات میں مکمل رقم بھی ادا کی گئی۔ متاثرین نے ایف آئی اے کے سامنے انکشاف کیا کہ یہ ایجنٹس جعلی MFA پاکستان ریفرل لیٹر سمیت دیگر جعلی دستاویزات فراہم کرتے تھے۔

دفعات UIS 3, 4, 7 PSMA 2018 اور 420، 468 PPC کے تحت ایف آئی آر درج کی گئی ہے۔مقدمے میں فوری کارروائی کے لیے تمام متاثرہ افراد اور دستاویزات ایف آئی اے کے حوالے کر دی گئی ہیں۔مقدمے کی تحقیقات جاری ہیں اور مزید گرفتاریوں کا امکان ہے۔

امریکی سفارت خانے سے سنیئر سول جج کو حراست میں لینے کا معاملہ
کوٹ مومن کے مشہور پیر الشیخ آلا سید سیف الدین المعروف عثمانی گیلانی نے امریکی ویزہ کیلئے 12لوگوں کو جعلی دستاویزت تیار کیے جس کیلئے 30 ہزار ڈالر لئے گئے۔ جعلی دستاویزت میں وزرات خارجہ کا بھی لیٹر شامل کیا گیا تھا۔ دوسرا ملزم رب نواز بھی کوٹ مومن کے پیر کے ساتھ ویزہ کاروبار کررہا تھا۔ ملزمان نے سنئیر سول جج کا بھی ویزہ لگوانے کے لئے جعلی دستاویزت فراہم کئے۔ امریکہ میں صوفی ازم کے نام پر ایک کانفرنس کا بھی جعلی لیٹر تیار کرایا گیا.