کشمور (باغی ٹی وی، وقار احمد اعوان) سماجی و سیاسی شخصیت حمید کریم اعوان نے چیئرمین ابراہیم حیدری ٹاؤن نذیر بھٹو سے ایک اہم اور خوشگوار ملاقات کی، جس میں سابق مشیر وزیرِاعلیٰ سندھ پرویز آرائیں بھی ہمراہ تھے۔
ملاقات کے دوران ابراہیم حیدری ٹاؤن میں جاری ترقیاتی منصوبوں، بلدیاتی مسائل اور عوامی سہولیات کی بہتری پر تفصیلی تبادلۂ خیال کیا گیا۔ حمید کریم اعوان نے عوام کو درپیش مسائل کی نشاندہی کرتے ہوئے صاف پانی، صفائی ستھرائی، سڑکوں کی بہتری، نکاسیٔ آب اور صحت و تعلیم کی سہولیات میں مزید بہتری پر زور دیا۔
چیئرمین نذیر بھٹو نے کہا کہ عوامی مسائل کا فوری اور مؤثر حل ان کی اولین ترجیح ہے اور بلدیاتی نظام کو مضبوط بنا کر تمام دستیاب وسائل بروئے کار لائے جا رہے ہیں۔ انہوں نے ترقیاتی منصوبوں میں شفافیت اور تیزی کو یقینی بنانے کا بھی عزم ظاہر کیا۔
پرویز آرائیں نے گفتگو میں کہا کہ عوامی نمائندوں اور سماجی شخصیات کے باہمی تعاون سے ہی پائیدار ترقی ممکن ہے۔ ملاقات خوشگوار ماحول میں اختتام پذیر ہوئی اور مستقبل میں قریبی رابطے اور مشترکہ کوششوں پر اتفاق کیا گیا۔