کندھ کوٹ(نامہ نگار) انڈس ہائی وے انڑ واہ کے قریب تیز رفتار ٹرک نے موٹر سائیکل کو ٹکر مار دی، جس کے نتیجے میں دو نوجوان موقع پر ہی جاں بحق ہو گئے۔
تفصیلات کے مطابق حادثہ اس وقت پیش آیا جب انڈس ہائی وے پر ٹرک اور موٹر سائیکل میں شدید تصادم ہوا۔ موٹر سائیکل پر سوار حب علی چاچڑ اور اویس ملک ٹرک کی زد میں آ کر موقع پر ہی دم توڑ گئے۔
حادثے کے بعد مقامی افراد اور پولیس موقع پر پہنچ گئے، لاشوں کو ضروری کارروائی کے بعد ہسپتال منتقل کر دیا گیا۔ واقعے کے باعث کچھ دیر کے لیے ٹریفک بھی متاثر رہی۔ پولیس نے حادثے کی تحقیقات شروع کر دی ہیں۔