نیشنل ڈیفنس یونیورسٹی میں انٹرنیشنل ورکشاپ فار لیڈرشپ اینڈ اسٹیبیلٹی کے چھٹے ایڈیشن کا شاندار انعقاد کیا گیا،
یہ بین الاقوامی ورکشاپ انسٹی ٹیوٹ فار اسٹریٹجک اسٹڈیز ریسرچ اینڈ انیلسز کے زیر اہتمام منعقد ہوئی،عالمی سطح پر امن، خوشحالی اور تعاون کے فروغ کیلئے ورکشاپ میں 50 ممالک کے 100سے زائد مندوبین نے شرکت کی،ورکشاپ میں دنیا بھر کے دانشور، سفارت کار اور پالیسی سازوں نے خطہ کے مسائل کا حل کیلئے سیر حاصل گفتگو کی، بین الاقوامی ورکشاپ کا مقصد جغرافیائی سیاسی چیلنجز، اقتصادی استحکام اور ٹیکنالوجی کے فروغ پر پالیسی سازی کرنا ہے،یہ ورکشاپ نہ صرف بین الاقوامی تعلقات کو مضبوط کرتی ہے بلکہ پاکستان کا مثبت تشخص بھی اجاگر کرتی ہے، ورکشاپ میں بین الاقوامی شرکاء کا کہنا تھا کہ یہ ورکشاپ این ڈی یو کا احسن اقدام ہے جو دنیا بھر کے لیڈرز کومسائل کے حل پر بات چیت کا موقع فراہم کرتا ہے،
شرکاء کا کہنا تھا کہ انٹرنیشنل ورکشاپ فار لیڈرشپ اینڈ اسٹیبیلٹی جیسے شاندار اقدام اور بہترین مہمان نوازی پر پاکستان کے بھرپور شکر گزار ہیں،
نیشنل ڈیفنس یونیورسٹی کا یہ شاندار اقدام علاقائی استحکام کیلئے پاکستان کے مثبت کردار کی روشن مثال ہے.