سرسبز پاکستان ،محفوظ پاکستان،شعبہ خدمت خلق مرکزی مسلم لیگ کی تین روزہ شجرکاری مہم کا آغاز

شعبہ خدمت خلق پاکستان مرکزی مسلم لیگ نے "سرسبز پاکستان۔محفوظ پاکستان” کے سلوگن کے تحت تین روزہ شجرکاری مہم کا آغاز کر دیا،بہاولپور،ملتان،ٹوبہ سمیت دیگر شہروں‌میں شجرکاری،لاہور میں آج ہفتہ کو پودے لگائے جائیں گے، چیئرمین خدمت خلق شفیق الرحمان وڑائچ نے بہاولپور میں پودے لگائے، تین روزہ شجرکاری مہم کے دوران ملک بھر میں ماحول دوست پودے لگانے کے ساتھ ساتھ عوام میں ماحولیاتی تحفظ کے حوالے سے بھرپورآگاہی مہم بھی چلائی جارہی ہے.

مرکزی مسلم لیگ شعبہ خدمت خلق کی جانب سے بہاولپور، ملتان، ٹوبہ، جہلم، ڈی آئی خان سمیت دیگر شہروں میں پودے لگائے گئے،دوسرے روز ہفتہ کو لاہور، شیخوپورہ، ننکانہ، گوجرانوالہ سیالکوٹ، گجرات، وزیر آباد، راولپنڈی، اسلام آباد، پشاور، مردان سمیت ملک کے مختلف علاقوں میں شجرکاری ہو گی،سر سبز پاکستان – محفوظ پاکستان،شجرکاری مہم کے سلسلہ میں چیئرمین خدمت خلق چوہدری شفیق الرحمان وڑائچ نے وکٹوریہ ہسپتال بہاول پور کے سامنے پودے لگائے،اس موقع پر مرکزی مسلم لیگ بہاولپور کے سیکرٹری جنرل رانا سیف اللہ و دیگر بھی موجود تھے،ملتان میں بھی شفیق الرحمان وڑائچ نے پودے لگائے، اس موقع پر ڈپٹی سپریڈنٹ ڈسٹرکٹ جیل ملتان جمشید ،ایڈیشنل ڈپٹی سپرینڈنٹ جیل ملتان میاں محمد علی ،مرکزی مسلم لیگ ملتان کے سیکرٹری جنرل رانا عبدالرحمان بھی موجود تھے ،شفیق الرحمان وڑائچ کاکہنا تھا کہ موجودہ حالات میں ماحولیاتی آلودگی اور موسمیاتی تبدیلیاں ایک بڑا چیلنج بن چکی ہیں جس سے نمٹنے کیلئے اجتماعی کوششیں ناگزیر ہیں، اس مقصد کیلئے شعبہ خدمت خلق مرکزی مسلم لیگ نے ملک بھر میں شجرکاری مہم کا آغاز کر دیا ہے تاکہ پاکستان کو سرسبز اور محفوظ بنایا جا سکے،شفیق الرحمان وڑائچ کا کہنا تھا کہ مرکزی مسلم لیگ کے کارکنان ملک بھر میں شجرکاری مہم میں حصہ لے رہے ہیں،سوشل میڈیا پر بھی اس ضمن میں آگاہی مہم چلائی جا رہی ہے،