پیپلز پارٹی نے کبھی نہیں کہا ہمیں سلیکٹ کر کے لاؤ، بلاول کا شگر میں جلسہ سے خطاب

پیپلز پارٹی کے چیئرمین بلاول زرداری نے کہا ہے کہ وفاق اور جی بی میں الیکشن ایک ساتھ ہونے چاہئیں،ہم نے جمہوریت کے لئے قربانیاں دی ہیں، بے روزگاری کا خاتمہ کریں گے

چیئرمین پاکستان پیپلز پارٹی بلاول بھٹو زرداری جب انتخابی مہم کے سلسلے میں ضلع شگر کی جلسہ گاہ پہنچے تو کارکنوں اور مقامی عوام نے ان کا والہانہ استقبال کیا۔ اس موقع پر پارٹی کارکنوں نے بھرپور جوش و خروش کا مظاہرہ کیا اور بلاول بھٹو زرداری کے حق میں نعرے لگائے، جبکہ جلسہ گاہ میں بڑی تعداد میں لوگوں کی شرکت دیکھنے میں آئی۔ گلگت بلتستان کے ضلع شگر کی تحصیل گلاب پور میں انتخابی جلسہ عام سے خطاب کرتے ہوئے بلاول زرداری کا کہنا تھا کہ جی بی کے عوام نے تمام سازشیں ناکام بنائیں، ذوالفقار علی بھٹو کا ساتھ دیا،عوام ترقی کریں گے، معاشی فائدہ ہو گا، پیپلز پارٹی کی حکومت بنی تو ہم نے وہ کام جو 90 کی دہائی میں کرنے تھے 2015 میں شروع کئے،پیپلز پارٹی عوام کی نمائندہ جماعت ہے،گلگت بلتستان کی عوام کو مایوس نہیں کریں گے،گلگت بلتستان کی عوام کو ان کا حق دیں گے تو ترقی کا راستہ بنے گا،آپ نے الیکشن میں نکلنا ہے اورووٹ دیکرفارم 45ساتھ لانا ہے،آج بھی ہمار امطالبہ ہے کہ گلگت بلتستان میں صاف و شفاف الیکشن ہوں،آپ کو فارم 45 ہاتھ میں لیکر واپس جانا ہے،آپ نے میرا ساتھ دینا ہے،فارم 47 کا بندوبست میں خود کروں گا،امید ہے ہماری کوئی سیٹ اس بار چوری نہیں ہوگی، کبھی نہیں کہا میرے لیے فارم 47 کا بندوبست کریں,پیپلز پارٹی نے کبھی نہیں کہا ہمیں سلیکٹ کر کے لاؤ، گلگت بلتستان کے عوام کو انکے حقوق دلوائیں گے، میری ذمہ داری ہے، آپکی ذمہ داری ہے کہ ملکر جدوجہد کریں عوام کو وہ حقوق دلوائیں جو قائد عوام نے وعدہ کیا تھا،بینظیر بھٹو کے نامکمل مشن کو مکمل کرنا ہے