ترجمان دفتر خارجہ نے کہا ہے کہ قانونی ویزا یا سفری دستاویزات رکھنے والے کسی افغان شہری کو پاکستان سے بے دخل نہیں کیا گیا۔
ہفتہ وار پریس بریفنگ میں دفتر خارجہ کے ترجمان طاہر اندرابی نے بتایا کہ آئی ایف آر پی کے تحت تقریباً 89 ہزار افغان شہریوں کےکیسزپرکارروائی جاری ہے،انسانی بنیادوں پر 16 ہزار کے قریب خواتین، بچوں اور بزرگ افغان شہریوں کے پاکستان میں قیام میں توسیع دی جا رہی ہے۔
ترجمان دفتر خارجہ نے مزید کہا کہ چترال کے قریب سرحدی علاقوں میں پیش آئے واقعے سے متعلق کوئی مصدقہ معلومات نہیں، افغانستان سے آنے والی اطلاعات کی زمینی سطح پر تصدیق ضروری ہے،غیر مصدقہ رپورٹس پر تبصرہ مناسب نہیں۔
ترجمان دفتر خارجہ کا مزید کہنا تھا کہ مذاکرات ہی خطے کے مسائل کا واحد حل ، پاکستان امریکا اورایران کو مفاہمتی یادداشت پر واپس لانے کیلئے سرگرم ہے ،فریقین کو اسلام آباد ایم او یو کی جانب دوبارہ لانے کی کوشش کر رہے ہیں،دونوں فریقین کو زیادہ سے زیادہ تحمل کا مظاہرہ کرنا چاہئے،پاکستان خطے میں پائیدار امن کے قیام کے لیے قطر کے ساتھ مل کر ثالثی کا کردار ادا کرتا رہے گا۔
اس کے علاوہ دفتر خارجہ نے جرمن نشریاتی ادارے ڈی ڈبلیو کی پاکستان کے جوہری پروگرام سے متعلق دستاویزی فلم کو مسترد کرتے ہوئے اسے قیاس آرائیوں پر مبنی اور گمراہ کن قرار دیا اور کہا کہ پاکستان کا نیوکلیئر پروگرام محفوظ، ذمہ دارانہ اور بین الاقوامی ذمہ داریوں کے مطابق ہے، جبکہ بے بنیاد پروپیگنڈے کو حقائق سے مسخ نہیں کیا جا سکتا۔
ترجمان دفترخارجہ کا مزید کہنا تھا کہ بھارت میں میڈیا حکومت کے مکمل کنٹرول میں ہے، وہاں سے فری رپورٹنگ نام کی چیز نہیں ہورہی، اظہار رائے پر قدغن ہے، احتجاج کرنے والوں پر گولیاں چلائی گئیں،