آزاد کشمیرانتخابات کے سلسلے میں 2اگست کوخراب موسم کے باعث پولنگ ملتوی کی گئی ایل اے 27اور28کے 54پولنگ اسٹیشنزپرووٹنگ جاری ہے-
ایل اے 27اور28میں پولنگ شام 5بجے تک جاری رہے گی،اس موقع پر سیکیورٹی کے انتہائی سخت انتظامات کیے گئے ہیں ایل اے 27 کوٹلہ ون میں استحکام پاکستان پارٹی،ن لیگ اورپیپلزپارٹی کےامیدوارمدمقابل ہیں ، آئی پی پی کے سردار تبارک ،پیپلز پارٹی کے جاوید ایوب اور ن لیگ کی نورین عارف میدان میں ہیں، ایل اے 28 لچھراٹ میں ن لیگ کے چودھری شہزاد اور پیپلز پارٹی کےباذل نقوی مدمقابل ہیں ۔
دوسری جانب آزاد کشمیر الیکشن کمیشن نے حلقہ ایل اے 24 پونچھ و سدھنوتی 7 (بلوچ) میں پولنگ کی تاریخ مقرر کر دی،الیکشن کمیشن کے مطابق حلقہ ایل اے 24 پونچھ و سدھنوتی 7 (بلوچ) میں 10 اگست 2026 کو پولنگ ہوگی،ایل اے 24 بلوچ میں پولنگ پونچھ ڈویژن کے دیگر حلقوں کے ساتھ 10 اگست کو ہوگی۔