پاکستان نے کشمیری سیاسی رہنما آسیہ اندرابی کودہلی کی ایک عدالت کی جانب سے عمرقید اور ان کی دو ساتھیوں فہمیدہ صوفی اور ناہیدہ نسرین کو تیس تیس سال قیدبامشقت کی سزا کو یکسر مستردکر دیا ہے۔
دفتر خارجہ کے ترجمان طاہر اندرابی نے ایک بیان میں کہا کہ یہ فیصلہ انصاف کاقتل اوربھارت کے غیرقانونی زیرقبضہ جموں و کشمیر میں بنیادی انسانی حقوق کی مسلسل پامالی کا عکاس ہے،ترجمان نے کہا کہ پاکستان اس فیصلے کو ایک وسیع تر رجحان کا حصہ سمجھتا ہے جس کے تحت سیاسی بنیادوں پر مقدمات قائم کر کے اختلافی آوازوں کو دبانا اور کشمیری عوام کے جائز حقوق کیلئے آواز اٹھانے والوں کو خوفزدہ کرناہے،ترجمان نے اقوام متحدہ کی سلامتی کونسل کی متعلقہ قراردادوں کے مطابق حق خود ارادیت کے حصول میں جموں و کشمیر کے عوام کیلئے پاکستان کی غیر متزلزل حمایت کا اعادہ کیا۔