پاکستان کیخلاف افغان طالبان کی جارحیت پر چین کا ردعمل بھی سامنے آگیا۔
چینی وزارت خارجہ کا کہنا ہے کہ تصادم میں ہونیوالی جانی ہلاکتوں پر دلی افسوس ہے، چین ہر قسم کی دہشت گردی کیخلاف کارروائی کی حمایت کرتا ہے۔چینی وزارت خارجہ کا کہنا ہے کہ پاکستان اور افغانستان کے درمیان کشیدگی پر شدید تشویش ہے، تصادم میں ہونیوالی ہلاکتوں پر دلی افسوس کا اظہار کرتے ہیں، چین ہر قسم کی دہشتگردی کیخلاف کارروائی کی حمایت کرتا ہے۔ترجمان نے مزید کہا کہ چین دونوں فریقوں سے اپیل کرتا ہے تحمل اور بردباری کا مظاہرہ کریں، اپنے اختلافات اور تنازعات کو مذاکرات اور مشاورت کے ذریعے حل کریں۔
چینی وزارت خارجہ نے کہا کہ چین اپنے ذرائع سے پاکستان اور افغانستان کے درمیان ثالثی کی کوششیں کرتا رہا ہے، دونوں ممالک کے تعلقات بہتر بنانے کیلئے آئندہ بھی تعمیری کردار ادا کرنے کیلئے تیار ہے۔
پاکستان کیخلاف افغان طالبان کی جارحیت پر اقوام متحدہ کے سیکریٹری جنرل نے شدید تشویش کا اظہار کردیا۔ترجمان کے مطابق سیکریٹری جنرل انتونیو گوتیریس نے دونوں ملکوں پر زور دیا کہ وہ عالمی قوانین کے تحت اپنی ذمہ داریوں کو پورا کریں اور شہری آبادی کے تحفظ کو یقینی بنائیں۔انتونیو گوتیریس نے کہا کہ دونوں ملک اپنے اختلافات کو سفارتی ذرائع سے حل کرنے کی کوشش جاری رکھیں۔
ایران کے بعد روس نے بھی پاکستان اور افغانستان کے درمیان مذاکرات کیلئے ثالثی کی پیشکش کردی۔روس نے پاکستان اور افغانستان کے درمیان مذاکرات کیلئے ثالثی کی پیشکش کردی۔ روسی وزارت خارجہ کا کہنا ہے کہ پاکستان اور افغانستان پر فوری جنگ بندی کیلئے زور دیتے ہیں۔روسی وزارت خارجہ نے کہا کہ دونوں ممالک اپنے اختلافات بات چیت کے ذریعے دور کریں، روس دونوں ملکوں کے درمیان ثالث کا کردار ادا کرنے کیلئے تیار ہے۔
ایران نے پاکستان اور افغانستان کے درمیان ثالثی کی پیشکش کردی۔ ایرانی وزیر خارجہ کا کہنا ہے کہ فریقین اختلافات کو بات چیت کے ذریعے حل کریں، ماہِ مبارک رمضان ضبطِ نفس اور عالمِ اسلام میں یکجہتی کے فروغ کا مہینہ ہے۔ایرانی وزیر خارجہ عباس عراقچی نے پاکستان اور افغانستان کے درمیان ثالثی کی پیشکش کردی۔ انہوں نے کہا کہ افغانستان اور پاکستان اپنے اختلافات کو بات چیت کے ذریعے حل کریں۔عباس عراقچی کا کہنا تھا کہ ایران گفتگو میں سہولت کاری اور باہمی تعاون کے فروغ کیلئے ہر ممکن مدد کو تیار ہے، ماہِ مبارک رمضان ضبطِ نفس اور عالمِ اسلام میں یکجہتی کے فروغ کا مہینہ ہے۔