افغان سرزمین سے پنپتی دہشتگردی عالمی سطح پر تشویش کا باعث بن گئی
افغانستان دہشتگرد گروہوں اور پراکسیز کیلئے محفوظ پناہ گاہ بن چکا ہے جس سے پورا خطہ متاثر ہورہا ہے،افغان طالبان کی زیر سرپرستی افغانستان سے سرحد پار دہشتگردوں کے حملے اور دراندازی معمول بن گئی ہے ،ساوتھ ایشیا ٹیررزم پورٹل اور افغان جریدہ افغانستان انٹرنیشنل کے مطابق یورپی یونین نے طالبان سے مطالبہ کیا ہے کہ وہ اپنی سرزمین کو دہشتگردوں کے محفوظ ٹھکانے بننے سے روکیں،افغان سرزمین کو کسی دوسرے ملک کیخلاف دہشتگردی کے لیے استعمال نہیں کیا جانا چاہیے، یورپی یونین نے طالبان سے افغانستان میں سرگرم تمام دہشتگرد گروہوں کیخلاف موثر کارروائی کا بھی مطالبہ کیا ہے،امریکا اور چین نے پاکستان کی انسداد دہشتگردی کی کوششوں پر مکمل حمایت اور اعتماد کااظہار کیا ،
ماہرین کے مطابق؛افغان طالبان رجیم نےاپنے ناجائز تسلط کو سہارا دینے کے لئے دنیا بھر کے دہشتگرد گروپوں کو سرپرستی فراہم کررکھی ہے، افغان سرزمین مضبوط اور مؤثر حکومت کے قائم نہ ہونے تک دہشتگرد تنظیموں کیلئے محفوظ پناہ گاہ بنی رہے گی،