اسلام آباد: بلوچستان نیشنل پارٹی (بی این پی) کے سربراہ سردار اختر مینگل کا قومی اسمبلی کی رکنیت سے دیا گیا استعفیٰ بالآخر منظور کر لیا گیا ہے۔
ذرائع کے مطابق اسپیکر قومی اسمبلی نے سردار اختر مینگل کا استعفیٰ باضابطہ طور پر قبول کر لیا ہے، جس کے بعد این اے 256 خضدار کی نشست خالی قرار دے دی گئی ہے۔سردار اختر مینگل این اے 256 خضدار سے قومی اسمبلی کے رکن منتخب ہوئے تھے،سردار اختر مینگل نے 3 ستمبر 2024ء کو قومی اسمبلی کی رکنیت سے استعفیٰ دیا تھا۔ تاہم ان کا استعفیٰ تقریباً 17 ماہ تک زیر التوا رہا اور اب اسے باقاعدہ طور پر منظور کیا گیا ہے۔
استعفے کی منظوری کے بعد متعلقہ حلقے میں ضمنی انتخاب کے انعقاد کا عمل الیکشن کمیشن آف پاکستان کی جانب سے شروع کیے جانے کا امکان ہے۔