پاکستانی شوبز انڈسٹری کی معروف اداکارہ علیزے شاہ کے فلک شبیر کیجانب سے میوزک ویڈیو میں رومانوی سین اور چھوٹے کپڑوں کے حوالے سے بیان پر زویا شیراز کے ویڈیو پیغام نے معاملے کو نیا رخ دیدیا ہے-
حال ہی میں گلوکار فلک شبیر کی جانب سے خواتین کے لباس سے متعلق دیے گئے بیان اور وزیراعلیٰ پنجاب سے بعض لباس پر پابندی کے مطالبے پر مختلف حلقوں کی جانب سے ردِعمل سامنے آیا تھا۔ سارہ خان نے بھی اپنے شوہر کے مؤقف کی حمایت کرتے ہوئے اسے درست قرار دیا تھا۔
اس معاملے پر اداکارہ علیزے شاہ نے تنقید کرتے ہوئے دعویٰ کیا کہ فلک شبیر کے ایک میوزک ویڈیو میں انہیں خود ایسے ملبوسات پہننے اور رومانوی مناظر عکس بند کروانے کے لیے کہا گیا تھا جن پر آج تنقید کی جا رہی ہے علیزے شاہ کا مزید کہنا تھا کہ ان ملبوسات کے انتخاب میں سارہ خان بھی شامل تھیں اس لیے موجودہ مؤقف دوہرے معیار کی عکاسی کرتا ہے۔
اس پر ردعمل دیتے ہوئے سوشل میڈیا انفلوئنسر زویا شیراز نے ایک ویڈیو پیغام میں علیزے شاہ کے الزامات کو مسترد کرتے ہوئے کہا کہ اداکارہ نے اپنی مرضی سے میوزک ویڈیو میں کام کیا تھا اور کسی نے انہیں کسی چیز پر مجبور نہیں کیا تھا۔
زویا شیراز کی ویڈیو پر سارہ خان نے ہنستے ہوئے ایموجی کے ذریعے ردِعمل دیا جسے سوشل میڈیا صارفین نے علیزے شاہ کے الزامات پر ان کے بالواسطہ جواب کے طور پرلیا ہے تاہم فلک شبیر اور سارہ خان کی جانب سے علیزے شاہ کے الزامات پر باضابطہ اور تفصیلی ردِعمل تاحال سامنے نہیں آیا۔