معرکہ حق میں اللہ کے فضل سے اپنے سے کئی گنا بڑے دشمن کو شکست دی،ترجمان پاک فوج

ڈی جی آئی ایس پی آر لیفٹیننٹ جنرل احمد شریف چوہدری کا کہنا ہے کہ معرکہ حق میں اللہ کے فضل سے اپنے سے کئی گنا بڑے دشمن کو شکست دی۔آج اس خوشی کے دن کے موقع پر آپ کو افواج پاکستان کی طرف سے معرکہ حق کا ایک سال مکمل ہونے کی مبارک باد ہو،معرکہ حق کی جیت کو بھارت کا بھی بچہ بچہ سب جانتا ہے لیکن مانے نہیں وہ الگ بات ہے ،اللہ کا لاکھ لاکھ شکر ہے جس نے پاکستان کو عزت بخشی،

معرکہ حق کا ایک سال مکمل ہونے پر پاک فضائیہ اور بحریہ کے افسران کے ہمراہ پریس کانفرنس کرتے لیفٹیننٹ جنرل احمد شریف چوہدری کا کہنا تھا اللہ کے فضل اور رحمت سے مسلح افواج قوم کی امنگوں پر پورا اتری ہیںَ،پاک فوج نے اپنی سیاسی و عسکری قیادت کے ویژن کے مطابق اپنے سے 10 گنا بڑے دشمن کو شکست دی، پاکستان کی افواج نے سیاسی اور عسکری قیادت کے وژن کے مطابق اپنے سے کئی گنا بڑے دشمن اور اُس کے غرور کو مکمل شکست سے دوچار کیا۔ہندوستان نے اس بات پر بہت محنت کی کہ دنیا کو یہ باور کراسکے کہ پاکستان دہشتگردی کے پیچھے ہے لیکن معرکہ حق میں شکست کے بعد یہ تمام دعوے زمین بوس ہو گئے۔ اس کے بعد دنیا کو پتہ چلا کہ بھارت صرف الزام لگا سکتا ہے، بھارت کا دہشتگردی کا ڈرامہ ہمیشہ کے لیے دفن ہو گیا ہے۔ اس کو اب کوئی نہیں مانتا، تم خود سب سے بڑے دہشتگرد ہو،

بھارت پہلگام واقعہ کے آج تک ثبوت سامنے نہیں لا سکا،ترجمان پاک فوج
ترجمان پاک فوج کا مزید کہنا تھا کہ اسوقت خطے میں استحکام کا کوئی سفیر ہے تو وہ پاکستان اور پاکستان کی قیادت ہے ، پہلگام واقعے کو ایک سال مکمل ہو گیا لیکن پاکستان نے جو سوالات اٹھائے تھے وہ اب بھی جوں کے توں موجود ہیں، جواب دیں کون لوگ تھے جنہوں نے یہ کروایا، بھارت بتائے کس دہشتگرد کیمپ کو نشانہ بنایا۔
بھارت پہلگام واقعہ کے آج تک ثبوت سامنے نہیں لا سکا،ہمارے بانی کا ویژن امن تھا، معرکہ حق میں پاکستان نے جنگ میں ذمہ داری کے ساتھ خطے کا امن برقرار رکھا ،کشمیر بھارت کا داخلی مسئلہ نہیں ہے ،اگر آپ اس ایک سال کو دیکھیں تو کیسے بھارت کی جو پروفیشنل ملٹری تھی وہ سیاست کی نظر ہوگئی۔ ان کا ایئر چیف معرکہ حق کے کچھ عرصے بعد صبح جاگا اور اسے یاد آیا کہ ہم نے بھی کوئی جہاز گرائے تھے۔ اچھا بھلا سولجر سیاست میں پڑ گیا،

معرکہ حق میں پاکستان کی کامیابی،بھارت کا بچہ بچہ جانتا ہے یہ مانے یا نا مانے وہ الگ بات ہے ،ترجمان پاک فوج
ترجمان پاک فوج کا مزید کہنا تھا کہ جو بھارتی سیاستدان ہیں وہ سیاستدان کم جنگجو ذیادہ لگتے ہیں۔ کوئی اکھنڈ بھارت اور کوئی ہندوتوا کا نعرہ لگا رہا ہے۔ اگر آپ نے ایسا ہی کرنا ہے تو پھر آؤ سامنے،بھارتی سیاستدانوں نے اگر یہی زبان استعمال کرنی ہے تو سامنے آئیں،جو پھینکو گے ہم کھڑے ہیں،بھارتی میڈیا سچ بولنے کی جرات بھی کر لے، کسی کا باپ بھی پاکستان پر آنچ نہیں لا سکتا، بھارت اقلیتوں اور کشمیریوں پر ظلم وستم کرتا ہے،
معرکہ حق میں پاکستان کی کامیابی بھارت کا بچہ بچہ جانتا ہے یہ مانے یا نا مانے وہ الگ بات ہے

سندور خواتین کو لگایا جاتا ہے، کم از کم آپریشن کا کوئی مردوں والا نام تو رکھ لیں، آپ سندور سے نکلتے کیوں نہیں ہیں۔ترجمان پاک فوج
ترجمان پاک فوج کا مزید کہنا تھا کہ سندور خواتین کو لگایا جاتا ہے، کم از کم آپریشن کا کوئی مردوں والا نام تو رکھ لیں، آپ سندور سے نکلتے کیوں نہیں ہیں۔جنگ ہوا میں بھی ہے، زمین میں بھی ہے، پانی میں ہے اور سائبر میں بھی ہے۔ اور آپ نے دیکھ لیا کہ ان تمام شعبوں میں پاکستان تیار تھا۔ یہ جنگ بھارت کی پراکسیز کے ساتھ بھی لڑی جارہی ہے، ہم تب بھی تیار تھے ہم آج بھی تیار ہیں،یہ ہماری خود اعتمادی تھی کہ جو جو پھینکو گے ہم کریں گے۔ روایتی، غیر روایتی، جو کرنا ہر کرو، کسی کا باپ بھی پاکستان پر آنچ نہیں لا سکتا، ہمارے حوصلے پر آپ کو کوئی شک نہیں ہونا چاہیے کیونکہ ہمیں اللہ پر یقین ہے۔ جس کو کوئی شک ہے اسے ہم نے ایک قسط دکھائی ہے،آپ کے کچھ اندرونی مسائل ہیں، جن میں آپ کشمیریوں، مسلمانوں، اقلیتوں اور قبائل پر ظلم کرتے ہیں۔ آپ کو اپنے مسائل اپنے گھر میں حل کرنے چاہیئیں۔ کشمیر ایک بین الاقوامی مسئلہ ہے اس میں آپ کوئی جغرافیائی تبدیلی نہیں کر سکتے،

اس 14 اگست کو پاکستانی قوم کے لیے بہت بڑا سرپرائز ہے۔ترجمان پاک فوج
ترجمان پاک فوج کا مزید کہنا تھا کہ معرکہ حق نے دنیا کو یہ پیغام دیا کہ ہم نے کیسے گھنٹوں میں بھارت کو منہ توڑ جواب دیا، اس 14 اگست کو پاکستانی قوم کے لیے بہت بڑا سرپرائز ہے۔اِس 14 اگست پر عظیم الشان پریڈ ہو گی، اپنی طاقت کی ایک چھوٹی سی جھلک دوبارہ عوام کے سامنے فزیکلی دکھائیں گے، مقصد یہ ہے کہ بعد میں یہ نہ کہیں کہ ہمیں بتایا نہیں تھا،بھارت اور فتنہ الخوارج کو ہم نے تو پہلے بھی کہا تھا کہ دائیں بائیں جس کو اکٹھا کرنا ہے کر لومگر یہ ننگے بہت اچھے ہو گئے ہیں ان دو سال میں،خارجی نور ولی مسعود کہتا ہے کہ کفار کے ساتھ معاہدہ کرنا اور اسلامی ملک پر حملہ کرنا جہاد ہے خارجی کافر ہے خارجی کا ٹھکانہ جہنم ہے اور نبی پاک صلی اللہ علیہ وسلم نے فرمایا کہ خارجی کے خلاف جہاد کرنے والی فوج افضل ترین فوج ہے ،پاکستان کی افواج اور عوام بنیان المرصوص کی طرح ایک ہیں۔ اندر اور باہر سے کچھ لوگوں کو شک تھا لیکن پھر انہوں نے دیکھا کہ کیسے قوم متحد ہوئی،آج کے معلوماتی دور میں صرف اور صرف سچ ہی پنپ سکتا ہے، جو سچ ہے وہ لوگوں کو بتائیں، جھوٹ کا سہارا لے کر راہ فرار اختیار کرنے سے اب کام نہیں چل سکتا،معرکہ حق میں جو آپ نے دیکھا ہے وہ ہماری مجموعی پاور پوٹینشنل کا 10 سے 15 فیصد ہے، 14 اگست کو عظیم الشان پریڈ ہوگی، پاور پوٹیشنل کی چھوٹی سی جھلک عوام کو دکھائیں گے، مقصد یہ ہے کہ وہ بعد میں یہ نہ کہیں کہ بتایا نہیں تھا۔