لوئر چترال کے علاقے دمیل ارندو (سریگال) میں شدید برفباری کے بعد ایک برفانی تودہ گرنے سے ایک ہولناک حادثہ پیش آیا۔ باچا ولد گل محمد کے گھر پر گرنے والے تودے کے نتیجے میں 10 افراد ملبے تلے دب گئے۔
ریسکیو ٹیموں نے فوری کارروائی کرتے ہوئے 9 افراد کی لاشیں نکالیں اور ایک بچے کو زندہ بچا کر فوری طبی امداد فراہم کی گئی۔ حکام کے مطابق یہ تمام افراد ایک ہی خاندان کے رکن تھے۔
حادثے کی وجہ شدید برفباری کے بعد برفانی تودے (Avalanche) کا گرنا بتائی گئی ہے۔ متاثرہ علاقے میں ریسکیو آپریشن جاری ہے اور مزید حفاظتی اقدامات کیے جا رہے ہیں تاکہ کسی اور نقصان سے بچا جا سکے۔
لوئر چترال میں برفانی تودے سے 10 افراد جاں بحق
