عائشہ جھلکا نے اداکاری چھوڑنے کا فیصلہ کر لیا

نوے کی دہائی کی کامیاب بالی وڈ اداکارہ عائشہ جھلکا نے اداکاری کو چھوڑنے کا فیصلہ کر لیا ہے اور انہوں نے یہ فیصلہ اس لئے کیا ہے کیونکہ انکو لگتا ہے کہ ان کو ایک ہی طرح کے کردار ملتےہیں ، انہوں نے کہا ہے کہ خواتین کو ایک ہی قسم کے کردار دئیے جاتے ہیں فلموں کے نام فرق ہوتے ہیں لیکن ہر فلم کو اٹھا کر دیکھ لیں خواتین کے کردار ایک جیسے ہی ہوں گے وہی چار پانچ ڈانس اور چند سینز . میں ایسی فلموں کا اب حصہ نہیں بنوں گی جس میں خواتین کو شو پیس کے طور پر پیش کیا جائے. عائشہ جھلکا نے کہا کہ میری عادت ہے کہ میں جب کسی فلم کا حصہ بنتی

ہوں تو پھر اس کی بہتری کے لئے بات کرتی ہوں لیکن اگر مجھے اس فلم میں صرف کام دیا جائے گا ایکٹنگ کا مارجن نہیں ہو گا تو میں اس پراجیکٹ سے خودکو الگ کرنا زیادہ مناسب سمجھوں گی. میں نے اب فیصلہ کر لیا ہے کہ میں اداکاری نہیں کروں گی. اتنے سال کے بعد بھی اگر شوپیس کے طور پر کام کرنا ہے تو پھر اس سے بہتر ہے کہ گھر پر بیٹھ جائیں اور سوشل میڈیا استعمال کرتے رہیں.