بہاولنگر( محمد عرفان )بہاونلگر میں کرپشن کے خلاف اہم کارروائی کرتے ہوئے اینٹی کرپشن اسٹیبلشمنٹ نے محکمہ کینال کے ایک اہلکار کو رشوت لیتے ہوئے رنگے ہاتھوں گرفتار کر لیا.
سائل مختیار احمد نے شکایت درج کروائی کہ اس کے زرعی رقبہ کے لیے منظور شدہ پانی کی فراہمی کے بدلے متعلقہ اہلکار نے 40 ہزار روپے رشوت کا مطالبہ کیا، جو بعد ازاں 20 ہزار روپے میں طے پایا۔ سائل نے ابتدائی طور پر 10 ہزار روپے ادا کیے اور باقی رقم دینے کے بجائے اینٹی کرپشن سے رجوع کر لیا درخواست موصول ہونے پر اینٹی کرپشن نے عدالت سے اجازت لے کر جوڈیشل مجسٹریٹ کی نگرانی میں ریڈنگ پارٹی تشکیل دی کارروائی کے دوران ملزم کو رشوت کی رقم وصول کرتے ہوئے رنگے ہاتھوں گرفتار کر لیا گیا جبکہ نشان زدہ 10 ہزار روپے اس کی جیب سے برآمد کر لیے گئےحکام کے مطابق ملزم کے خلاف انسداد بدعنوانی قوانین کے تحت مقدمہ درج کر لیا گیا ہے اور مزید تفتیش جاری ہےعوامی حلقوں نے اس کارروائی کو سراہتے ہوئے مطالبہ کیا ہے کہ سرکاری اداروں میں موجود کرپٹ عناصر کے خلاف بلا امتیاز کارروائیاں جاری رکھی جائیں تاکہ عوام کو ریلیف فراہم کیا جا سکے۔