کرناٹک میں ملک کی چار ریاستوں کے رہائشی داخل نہیں ہو سکیں گے

بھارتی ریاست کرناٹک کی انتظامیہ نے اپنے ہی ملک کی چار ریاستوں کے تمام رہائشیوں پر ریاست میں داخل ہونے پر پابندی لگادی ہے. مہاراشٹر. تامل ناڈو، گجرات اور کیرالہ کے رہائشی 31مئی تک کسی بھی راستے سے کرناٹک میں داخل نہیں ہو سکیں گے. مذکورہ چاروں ریاستوں میں کورونا کے مریضوں کی تعداد بھارت میں دیگر تمام ریاستوں سے زیادہ ہے جب کہ کرناٹک میں کورونا مریضوں کی تعداد نسبتآ کم ہے. کرناٹک کے وزیر اعلیٰ بی ایس ےیدییورپا کا کہنا ہے کہ کرناٹک میں کورونا کو ختم کرنے کا اس سے بہتر کوئی طریقہ نہیں ہو سکتا. تاہم انہوں نے صوبہ میں کورونا کی شدت زیادہ نہ ہونے کے باعث ریاست میں شہریوں کو زیادہ سے زیادہ سہولتیں دینے کا اعلان کیا ہے. سرکاری بسیں معمول کے مطابق چلیں گی تاہم ہر بس میں 30 سے زیادہ مسافروں کو بٹھانے کی اجازت نہیں ہو گی. آن لائن ٹیکسی سروس بھی بحال کر دی گئی ہے. پارکوں کو کھول دیا گیا ہے تاہم شاپنگ مالز، تعلیمی ادارے، سینما گھر، جم اور سوئمنگ پولز کھولنے کی اجازت نہیں ہو گی