بنگلادیش کی سابق وزیر اعظم اور بنگلادیش نیشنلسٹ پارٹی (بی این پی) کی سربراہ خالدہ ضیا کے انتقال پر ملک بھر میں گہرے رنج و غم کی فضا قائم ہے۔ اس افسوسناک واقعے کے باعث بنگلادیش کرکٹ بورڈ (بی سی بی) نے بنگلادیش پریمیئر لیگ (بی پی ایل) کے تمام میچز عارضی طور پر ملتوی کرنے کا اعلان کر دیا ہے۔
بنگلادیش کرکٹ بورڈ کی جانب سے جاری بیان میں کہا گیا ہے کہ سابق وزیر اعظم کے انتقال پر احتراماً بی پی ایل کے میچز ملتوی کیے گئے ہیں، جبکہ میچز کے نئے شیڈول کا اعلان جلد کیا جائے گا۔ بی سی بی کے مطابق یہ فیصلہ قومی سطح پر سوگ اور عوامی جذبات کو مدنظر رکھتے ہوئے کیا گیا ہے۔
واضح رہے کہ خالدہ ضیا 80 برس کی عمر میں انتقال کر گئیں۔ وہ جگر کے عارضے سمیت متعدد بیماریوں میں مبتلا تھیں اور طویل عرصے سے اسپتال میں زیر علاج تھیں۔