رمضان المبارک میں مہنگائی کے ستائے شہریوں کے لیے بڑی خوشخبری

رمضان المبارک کے ماہ مقدس میں آسمان سے باتیں کرتی مہنگائی سے ستائے شہریوں کے لیے بڑی خوشخبری آ گئی ہے۔ پاکستان میں یوں تو غربت اور مہنگائی کا تناسب ہمیشہ ہی بڑھا رہتا ہے۔ تاہم رمضان کا مقدس مہینہ آتے ہی تو لگتا ہے کہ مہنگائی کا جن بوتل سے باہر آ گیا ہے۔
کمشنر کراچی سید حسن نقوی نے شہریوں سے کہا ہے کہ وہ مہنگائی کی شکایت 1299 پر کریں، متعلقہ حکام فوری کارروائی کریں گے۔ دریں اثنا رمضان کے تیسرے روز بھی گراں فروشوں کے خلاف کریک ڈاؤن کرتے ہوئے 255 دکانداروں کے خلاف کارروائی کی گئی اور 26 لاکھ 27 ہزار روپے سے زائد جرمانہ عائد کیا گیا۔