پاکستان پیپلزپارٹی کے چیئرمین بلاول بھٹو زرداری کی جمعیت علمائے اسلام (ف) کے سربراہ مولانا فضل الرحمان کی رہائش گاہ آمد ہوئی، جہاں دونوں رہنماؤں کے درمیان اہم سیاسی امور پر تفصیلی تبادلہ خیال کیا گیا۔
ذرائع کے مطابق ملاقات میں ملک کی مجموعی سیاسی صورتحال، آئندہ حکمت عملی اور باہمی تعاون کے امکانات پر گفتگو کی گئی۔ اس موقع پر بلاول بھٹو زرداری کے ہمراہ راجہ پرویز اشرف، نیر بخاری اور چوہدری یاسین بھی موجود تھے۔ملاقات میں سابق وفاقی وزیر مولانا اسعد محمود نے بھی شرکت کی، جبکہ رہنماؤں نے باہمی دلچسپی کے امور پر مشاورت جاری رکھنے پر اتفاق کیا۔سیاسی تجزیہ کاروں کے مطابق یہ ملاقات آئندہ لائحہ عمل کے حوالے سے اہم پیش رفت قرار دی جا رہی ہے۔