نئی دہلی سے باگڈوگرا جانے والی انڈیگو ایئرلائن کی پرواز میں بم کی اطلاع ملنے کے بعد طیارے کو لکھنؤ میں ہنگامی طور پر اتار لیا گیا۔
بھارتی میڈیا کے مطابق پرواز میں عملے سمیت مجموعی طور پر 230 افراد سوار تھے۔ پولیس کا کہنا ہے کہ بم کی اطلاع طیارے کے واش روم میں موجود ٹیشو پیپر پر ہاتھ سے لکھی گئی تحریر کے ذریعے ملی۔
میڈیا رپورٹس کے مطابق لکھنؤ ایئرپورٹ پہنچنے کے بعد تمام مسافروں کو بحفاظت طیارے سے اتار لیا گیا اور ان کی اسکریننگ کی گئی۔ سکیورٹی اقدامات کے تحت طیارے کو ایئرپورٹ کے ایک علیحدہ مقام پر منتقل کر کے بم ڈسپوزل اسکواڈ نے مکمل تلاشی لی۔
انتظامیہ کا کہنا ہے کہ بم کی اطلاع کے حوالے سے تحقیقات جاری ہیں۔
دہلی سے باگڈوگرا جانے والی پرواز میں بم کی اطلاع، طیارے کی لکھنؤ میں ہنگامی لینڈنگ
