بشریٰ بی بی نے اڈیالہ جیل میں پولیس کے سامنے”ہتھیار” ڈال دیئے

بشری بی بی کے خلاف 24 سے 26 نومبر کے احتجاج پر درج 31 مقدمات کا معاملہ،بشری بی بی راولپنڈی کے 10 مقدمات میں شامل تفتیش ہو گئی،

بشری بی بی نے تحریری جواب پولیس کے تفتیشی افسران کو دے دیئے،بشری بی بی نے بیان وکلاء سلمان صفدر،فیصل ملک،حسنین سنبل کی موجودگی میں دیئے،بشریٰ بی بی کا کہنا تھا کہ میرے خلاف سیاسی انتقامی کارروائی کی جا رہی ہے،بانی پی ٹی آئی کی وجہ سے منصوبہ بندی کے تحت ہمارے خلاف کارروائی جاری ہے،کسی منصوبہ بندی،توڑ پھوڑ،جلاو گھیراو میں ملوث نہیں تھی،میرٹ پر تفتیش کرکے حقائق سامنے لائے جائیں،ہمیں انتقام کا نشانہ نہ بنایا جائے،

ضلع راولپنڈی میں 10 مقدمات کے تفتیشی افسران اڈیالہ جیل پہنچے تھے،تفتیشی افسران میں انسپکٹر راجہ افتخار، محمد افضل، راشد کیانی، حسنین، یعقوب شاہ، ممتاز، انسپکٹر علی شامل تھے،گزشتہ سماعت پر بشری بی بی نے شامل تفتیش ہونے کیلئے بانی پی ٹی آئی اور وکیل سے ملنے کی استدعا کی تھی،بشری بی بی نے عدالت میں موقف اختیار کیا تھا کہ ملاقات کے بعد شامل تفتیش ہونے کے لئے تیار ہوں،عدالت نے بشری بی بی کی استدعا پر ایس او پی کے تحت جیل انتظامیہ کو ملاقات کا حکم دیا تھا